މި ޕްރޮގްރާމް ހާއްސަކޮށްފައި ވަނީ އުމުރުން 15 އަހަރާއި 20 އަހަރާ ދެމެދުގެ ޒުވާނުންނަށެވެ.
"ޖޭ4ޖޭ" ގައި ބައިވެރިވާން ޝައުގުވެރިވާ ޒުވާނުން އެކަމަށް އެދި ހުށަހެޅުމުގެ ފުރުސަތު މި މަހުގެ 21 އާ ހަމައަށް އޮންލައިންކޮށް ވަނީ ހުޅުވާލަާފައިވާކަަމަށް ޔޫއެންޑީޕީ މޯލްޑިވްސް އިން ބުނެއެވެ.
ބައިވެރިވާން ހުށަހަޅާ ފަރާތްތަކުގެ ތެރެއިން 40 ފަރާތަކަށް ފުރުސަތު ލިބޭނެއެވެ.
މި ޕްރޮގްރާމަކީ ޝަރުޢީ ދާއިރާއިން ކިޔަވަމުންދާ ދަރިވަރުންނާއި ޒުވާނުންނަށް އެ ދާއިރާއާ ގުޅޭ މައުލޫމާތު ހިއްސާކޮށް، ދާއިރާއަށް ޝައުގުވެރިކަން އިތުރު ކުރުމަށް ކުރިއަށްގެންދާ ޕްރޮގްރާމެކެވެ.
މިދިޔަ އަހަރު ބޭއްވި ޖޭ4ޖޭގައި 37 ޒުވާނުން ބައިވެރިވިއެވެ.
މި ޕްރޮގްރާމުގައި ސެޝަންތައް ކުރިއަށްގެންދާނީ ރާއްޖޭގެ ކޯޓުތަކުގެ ފަނޑިޔާރުންނާއި ވަކީލުންނާއި ޖޭއެސްސީގެ މުވައްޒަފުންނާއި ޑީޖޭއޭގެ މުވައްޒަފުންނާއި ޔޫއެންޑީޕީގެ މުވައްޒަފުން ހިމެނޭހެން ފެސިލިޓޭޓަރުންގެ ޓީމަކުންނެވެ.
މި ޕްރޮގްރާމް ކުރިއަށް ގެންދަން ނިންމާފައިވާ އަންނަ ޑިސެމްބަރު މަހުގެ 14 އިން 21 އަށެވެ.
