ލަންކާގެ މީޑިއާ ރިޕޯޓްތައް ބުނާ ގޮތުން، އަންނަ އަހަރުގެ ޖޫން މަހު ފޯ ނޭޝަންސް ކަޕެއް ބާއްވަން ލަންކާއިން އަންނަނީ ތައްޔާރުވަމުންނެވެ. މިހާތަނަށް އަދި ކަންކަން ފައިނަލް ނުވިޔަސް، މި މުބާރާތަށް ދައުވަތު ދޭ ގައުމުތަކުގެ ތެރޭގައި ރާއްޖެ ހިމެނެއެވެ. ރާއްޖެއާއެކު ޝޯޓް ލިސްޓްކޮށްފައިވާ އަނެއް ދެ ގައުމަކީ، ބުރޫނާއީ އަދި މަކާއޯއެވެ.
2021 ވަނަ އަހަރު ލަންކާގައި އޮތް ފޯ ނޭޝަންސް ކަޕުގައިވެސް ރާއްޖޭން ބައިވެރިވިއެވެ. އެހެންނަމަވެސް އެފަހަރު ރާއްޖެއަށް ދިމާވީ ވަރަށް ނަސީބު ދެރަ ގޮތެކެވެ. ލަންކާއާ އެއްވަރުވީރު ބަންގްލަދޭޝް އަދި ސީޝެލްސް އަތުން ވީ ބައްޔެވެ. އެ މުބާރާތް ކާމިޔާބު ކުރީ ސީޝެލްސްއިންނެވެ.
ލަންކާގެ ފުޓްބޯޅަ ފޯރި ގަދަވެފައިވަނިކޮށް އެ ގައުމަށްވަނީ ފީފާގެ ސަސްޕެންޝަނަކާ ކުރިމަތިލާން ޖެހިފައެވެ. ފީފާގެ ސަސްޕެންޝަނާ ހުރެ މި އަހަރުގެ ޖޫން / ޖުލައިގައި އިންޑިޔާގައި އޮތް ސާފް ޗެމްޕިއަންޝިޕްގައިވެސް ލަންކާ ނުކުޅެއެވެ. އެހެންނަމަވެސް މިހާރުވަނީ ލަންކާގެ ސަސްޕެންޝަން އުވާލާފައެވެ.