ކާރު އެކްސިޑެންޓެއް ވީނަމަވެސް، ބަލޮޓެލީގެ ހާލު ރަނގަޅު ކަމަށް އޭނާ މިހާރު ކުޅޭ ތުރުކީގެ ކްލަބުންވަނީ ބުނެފައެވެ.
މި ހާދިސާ ހިނގާފައިވަނީ ބަލޮޓެލީގެ އުފަން ރަށުގައި ބުދަ ދުވަހު އޭނާގެ ކާރު ފާރެއްގައި ޖެހިގެންނެވެ. މި ހާދިސާ ހިނގިއިރު، ބަލޮޓެލީގެ ކާރުގައި އިނީ އޭނާ އެކަނި ކަމަށްވަނީ މައުލޫމާތު ލިބިފައެވެ. އޭނާއަށް އަނިޔާއެއް ނުވިޔަސް ކާރަށް ބޮޑެތި ގެއްލުންތަކެއް ވީ ކަމަށް ރިޕޯޓްތައް ބުނެއެވެ.
މި ހާދިސާ ހިނގިއިރު، އިޓަލީގެ ކުރީގެ ކުޅުންތެރިޔާ މިހާރު އަންނަނީ ކަކުލުގެ އޮޕަރޭޝަނެއް ކޮށް ފަރުވާ ހޯދަމުންނެވެ.
ސެޕްޓެމްބަރު މަހު ޑެމިރްސްޕޯއާ އަލުން ގުޅުނު ބަލޮޓެލީ ވަނީ މި ސީޒަނުގައި ފަސް މެޗު ކުޅެފައެވެ. އޭނާ ފާހަގަކޮށްލެވުނީ 2010 ވަނަ އަހަރު އިންޓަ މިލާނުން ސިޓީއާ ގުޅުމުން ފުރަތަމަ ފަހަރަށް ޕްރިމިއާ ލީގު ކާމިޔާބުކޮށް އެފްއޭ ކަޕް ކާމިޔާބުކޮށްދިނުމުންނެވެ.
