އެމްއޭސީއެލްއިން ވަނީ އެކުންފުނީގައި މަސައްކަތް ކުރާ މުވައްޒަފުންގެ އަގު ވަޒަން ކުރުމަށްޓަކައި މިދޔަ ހުކުރު ދުވަހު ވަނީ ހާއްސަ ހަފްލާއެއް ބާއްވާފަ އެވެ. މިހަފްލާގައި އެކުންފުންޏަށް 20 އަހަރާއި 40 އަހަރާ ދެމެދުގެ މުއްދަތަކަށް ހިދުމަތްކުރަމުން އަންނަ މުވައްޒަފުންގެ އަގު ވަޒަންކޮށް ވަނީ އެވޯޑު ދީފަ އެވެ. އެގޮތުން މިއެވޯޑު ވަނީ 139 މުވައްޒަފަކަށް ދީފަ އެވެ.

އެއީ:

• 20 އަހަރު ހިދުމަތް ކޮށްދީފައިވާ 24 މުވައްޒަފުން

• 25 އަހަރު ހިދުމަތް ކޮށްދީފައިވާ 69 މުވައްޒަފުން

• 30 އަހަރު ހިދުމަތް ކޮށްދީފައިވާ 35 މުވައްޒަފުން

• 35 އަހަރު ހިދުމަތް ކޮށްދީފައިވާ 6 މުވައްޒަފުން

• 40 އަހަރު ހިދުމަތް ކޮށްދީފައިވާ 5 މުވައްޒަފުން

މީގެ އިތުރުން، ކުންފުނީގެ މަސައްކަތުން ރިޓަޔާރ ކުރައްވާފައިވާ 11 މުވައްޒަފަކަށްވެސް އެމުވައްޒަފުން ކޮށްދެއްވި ހިދުމަތްތައް ފާހަގަކޮށް ހަނދާނީ ފިލާ ހަވާލުކޮށްފައިވެ އެވެ.

ރޭގެ ރަސްމިއްޔާތު ޝަރަފްވެރިކޮށްދެއްވައި ވާހަކަފުޅު ދައްކަވަމުން އެމްއޭސީއެލް ޑެޕިއުޓީ މެނޭޖިން ޑިރެކްޓަރު، އިބްރާހިމް ތޯހާ ވިދާޅުވީ ކުންފުޏެއްގައި ދިގު މުއްދަތެއް މުވައްޒަފުން ހޭދަކުރާނީ، އެކުންފުޏަކީ މަސައްކަތް ކުރުމަށް އެކަށިގެންވާ ތަނަކަށް ވުމުން ކަމަށެވެ. އަދި އެމްއޭސީއެލް އަކީ މުވައްޒަފުންގެ އަގު ވަޒަންކުރާ، މުވައްޒަފުންނަށް ރަގަޅު މާހައުލެއް ފޯރުކޮށްދިނުމަށް އަބަދު ވެސް މަސައްކަތް ކުރާ ކުންފުންޏެއްކަން އޭނާ ފާހަގަ ކުރެއްވި އެވެ.

ރާއްޖޭގެ މައި އެއާޕޯޓް ކަމަށްވާ ވެލާނާ އިންޓަނޭޝަނަލް އެއާޕޯޓް (ވީއައިއޭ) އަކީ ސަރަހައްދީ ފެންވަރުގައި ފާހަގަކުރެވޭ އެއާޕޯޓަކަށް ހެދުމަށް ކުންފުނީގައި ގިނަ ދުވަހު މަސައްކަތްކޮށްފައިވާ މުވައްޒަފުންގެ ތަޖުރިބާ މުހިއްމުކަން ވެސް އޭނާ ފާހަގަކުރެއްވި އެވެ.

ރާއްޖޭގެ މައި ވައިގެ ބަދަރު، ވެލާނާ އިންޓަނޭޝަނަލް އެއާޕޯޓު ހިންގަމުން އަންނަ އެމްއޭސީއެލްގައި 4000 އާއި ގާތްކުރާ އަދަދަކަށް މުވައްޒަފުން މަސައްކަތް ކުރަމުންދެ އެވެ.