ސަލާހްއާ ކްލޮޕް
ސަލާހުއާ ކުރި ޒުވާބުގެ މައްސަލަ ހައްލުވެއްޖެ
ސްޕޯޓްސް ޓީމް
03 މޭ 2024 - 18:33:16
ލިވަޕޫލްގެ ފޯވާޑު މުހައްމަދު ސަލާހުއާ، ކޯޗު ޔާގަން ކްލޮޕް ދަނޑު ބޭރުގައި ކުރި ޒުވާބު "މުޅިން ހައްލު" ވެފައިވާ ކަމަށް ކޯޗު ޔާގަން ކްލޮޕް ބުނެފިއެވެ.
Advertisement
މިދިޔަ ހަފްތާ ބަންދުގައި ވެސްޓްހަމްއާ ދެކޮޅަށް ކުޅެ 2-2 އިން ލިވަޕޫލް އެއްވަރުވި މެޗުގައި ސަލާހް އާއި ކްލޮޕް ކުރިމަތިލާން ޖެހުނީ އޭނާ ކުޅެން ނުކުންނަން އުޅެނިކޮށެވެ.
މިސްރުގެ ފޯވާޑް، 31، މެޗަށް ފަހު އިންޓަވިއު ރިކުއެސްޓްތަކަށް ދެކޮޅު ހަދައި ބުނީ “އަހަރެން ވާހަކަ ދައްކާނަމަ މިއަދު އަލިފާން ރޯވާނެ” ކަމަށެވެ. އެކަމަކު ހުކުރު ދުވަހު ކްލޮޕް ބުނީ "މައްސަލައެއް ނެތް. އަހަރެމެން މިތިބީ އެކަމާ މުޅިން ރަނގަޅު. އެއީ ވާހަކައެއް ނޫން" ކަމަށެވެ.
ސީޒަން ނިމުމުން ކްލަބު ދޫކޮށްލާނެ ކަމަށް ކުރިން އިއުލާންކޮށްފައިވާ ކްލޮޕް ވެސްޓްހަމް މެޗުގައި ސަލާހް ބޭންދީ ބެންޗުގައެވެ. އެ ދުވަހު ސަލާހް ކުޅެން ނުކުތީ މެޗު ނިމެން ގާތްގަނޑަކަށް 10 ވަރަކަށް މިނިޓަށްވެފައިވަނިކޮށެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
