ޕީސީބީ ބޯޑުގެ ބައެއް މެންބަރުން ބައްދަލުވުމުގެ ތެރެއިން..
ޕީސީބީގެ މެންބަރުންނަށް ރުހުން ހޯދަން މަޖިލީހަށް ފޮނުވައިފި
އަލީ މިދުހަތު
04 ޑިސެމްބަރ 2023 - 13:41:05
ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ)ގެ މެންބަރު ކަަމަށް، ރައީސް އައްޔަންކުރެއްވި ފަސް މެންބަރުންނަށް ރުހުން ހޯދުމަށް ރައްޔިތުންގެ މަޖިލީހަށް މިއަދު ފޮނުވައިފި އެވެ.
ރުހުން ހޯދުމަށް މަޖިލީހުގެ ސްޓޭޓް އޯންޑް އެންޓަޕްރައިސަސް (އެސްއޯއީ) ފޮނުވި މެންބަރުން
- ހަމްދީ އަގީލް، ހ. ރަންގަލި 4 - ޕީސީބީގެ ރައީސަކަށް
- ހަސަން ޒަރީރު، ހުޅުމާލެ ފްލެޓް 139-ޖީ-06 - އިކޮނޮމިކްސް ދާއިރާ
- އަހުމަދު މުޝްތާގު، ދަފްތަރު ރސ 4652 - އެކައުންޓިން އަދި ފައިނޭންސިންގެ ދާއިރާ
- ލީނާ އަބްދުލް ޖަލީލް، މ. ބްލޫއޯޝަން - ބޭންކިންގެ ދާއިރާ
- މޫސާ ފަތުހީ އާދަމް، ރަންކޮކާގެ، ށ. ކޮމަންޑޫ - ބިޒްނަސް އެޑްމިނިސްޓްރޭޝަން ދާއިރާ
މިއަދު މަޖިލީހަށް ރުހުން ހޯދުމަށް ފަސް މެންބަރުންގެ ނަން ފޮނުވިއިރު، އެ ބޯޑަށް ގާނޫނީ ދާއިރާއިން އައްޔަންކުރެއްވި އަހްމަދު ނަޝާތުގެ ނަމެއް އަދި ނުފޮނުވަ އެވެ. އެންމެ ފަހުން އައްޔަން ކުރި މެންބަރެއްގެ ގޮތުގައި ނަޝާތު އައްޔަންކޮށްފައި ވަނީ މިދިޔަ ހަފްތާގެ އަންގާރަ ދުވަހު އެވެ.
ޕީސީބީގެ ގާނޫނު ބުނާ ގޮތުން އެ އިދާރާގެ ބޯޑަކީ ރައީސް އައްޔަންކުރައްވާ ހަތް ބޭފުޅުންގެ މައްޗަށް ހިމެނޭ ބޯޑެކެވެ. އަދި އެ ބޯޑުގެ މެންބަރުންނަށް އައްޔަން ކުރައްވާ ފަރާތްތަކަށް މަޖިލީހުން ރުހުން ހޯދަން ޖެހެ އެވެ. ބޯޑަށް ހަ މެންބަރުން ރައީސް އައްޔަންކުރެއްވިރު، އެ ބޯޑުގައި ދައުރު ހަމަނުވެ އިންނެވީ ނައިބު ރައީސް މުހައްމަދު ފިރާޒް އެކަންޏެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
