ގ.ކެޓޭނިޔާ ގެއަށް އުފަން ރަންފުޅު އަވަހާރަވީ ސްރީ ލަންކާގެ ކޮލަންބޯގަ އެވެ. މައުލޫމާތު ލިބިފައިވާ ގޮތުން އެކަމަނާ އަވަހާރަވެފައި ވަނީ އާލާސްކަންފުޅާ އުޅުއްވުމަށް ފަހުގަ އެވެ.

އަވަހާރަވިއިރު ރަންފުޅުގެ ސީދާ އުމުރު ޔަގީނެއް ނޫނެވެ. ބައެއް ބޭފުޅުން ވިދާޅުވަނީ ރަންފުޅަށް ވާނީ 96 އަހަރު ކަމަށެވެ. އިސްމާއިލް ވަހީދު ވިދާޅުވެފައިވާ ގޮތުގައި ރަންފުޅު ދުނިޔެއަށް އުފަންވެވަޑައިގަތީ މީލާދީން 1929 ވަނަ އަހަރު ކަމުގަ އެވެ. އެހެންކަމަށްވާނަމަ ރަންފުޅަށް މި އަހަރު ވާނީ 94 އަހަރެވެ.

އިސްމާއިލް ވަހީދު ވިދާޅުވެފައި ވަނީ ޝަމްސުއްދީން ރަދުންގެ ރަސްކަމުން 27 ވަނަ އަހަރު ރަންފުޅުގެ ބައްޕާފުޅު އިބްރާހިމް މާފަތްތަކުރުފާނަށް މާފަތް ކަމަށް ކޮލިލާފައިވާ ކަމަށެވެ. މާފަތްތަކުރުފާނަށް މާފަތް ކަމަށް ކޮލިލެވުނުއިރު އަނބިކަނބަލުން އިންނެވީ ރަންފުޅަށް އާލާސްވެ އެވެ. އޭރު ބަނޑުފުޅަށް ދެ މަހެވެ.

ރިފަރެންސް:

• އިސްމާއީލް ވަހީދު (1999): ފަތްތޫރަ (247) - ދިވެހިބަހާއި ތާރީހަށް ހިދުމަތްކުރާ ގައުމީ މަރުކަޒު، މާލެ