އެސްޕެކްސް ކަޒަކްސްތާން އިންޓަނޭޝަނަލް ސީރީސްގެ އަންހެން ސެމީން ނަބީ އާއި ނަބާ ފުރުސަތު ހޯދުމާއެކު، މުބާރާތުން އެ ދެ ކުޅުންތެރިންނަށް ދަށް ވެގެން ލޯ މެޑަލް ޔަގީންވީއެވެ. ސެމީން މޮޅުވެއްޖެ ނަމަ ރަން މެޑަލް ނުވަތަ ރިހި މެޑަލް ލިބުމުގެ ފުރުސަތު އޮތްއިރު، ފައިނަލްގައި ނަބާ އަދި ނަބީ ކުޅެން ޖެހުމަކީވެސް އެކަށީގެންވާ ކަމެކެވެ.
ނަބީ ސެމީއަށް ދިޔައީ ކުއާޓާ ފައިނަލް މެޗުގައި އުޒްބެކިސްތާންގެ ސޯފިޔާ ޒާހިރޯވާއާ ކުޅެގެން ސީދާ ދެ ސެޓުން މޮޅުވެފަ އެވެ. ސެޓުތައް ގެންދިޔައީ 21-15، 21-13 އިންނެވެ. ސެމީ ފައިނަލުގައި ނަބީ ކުޅޭނީ އިންޑިއާގެ އަރުންދަތީ ނާގަރާޖާއާ އެެވެ.
ނަބާ ވަނީ ކަޒަކްސްތާންގެ ޖުމަދިލޯވާ ދިލްޔާރާއާ އަތުން މޮޅުވެ، ސެމީ ފައިނަލުގައި ފިލިޕީންސްގެ ޑި ގުޒްމާން މިކައެލާ ޖޯއާއާ ކުޅެން ފުރުސަތު ހޯދައިފަ އެވެ. ކުއާޓާ ފައިނަލް މެޗުން ނަބާ މޮޅުވީ 21-15، 21-13 އިންނެވެ.