ކުރިއަށް އޮތް ރައްޔިތުންގެ މަޖިލިހުގެ އިންތިހާބުގައި ވާދަކުރައްވަން ނިންމެވިކަން ހާމަކުރައްވާ ނާޒިމް މިއަދު އެކްސްގައި ކުރެއްވި ޕޯސްޓެއްގައި ވިދާޅުވީ ޕީއެންސީގެ ޓިކެޓުގައި ދިއްގަރު ދާއިރާއަށް ވާދަކުރެއްވުމަށް ފޯމު ހުށަހަޅުއްވާފައިވާ ކަމަށެވެ.
އަށާރަވަނަ މަޖިލިހުގައި ދިއްގަރު ދާއިރާގެ މެންބަރުގެ ގޮތުގައި ހުންނަވަނިކޮށް އެ ދާއިރާގެ ގޮނޑި 2015 ވަނަ އަހަރު އޭނާއަށް ގެއްލިވަޑައިގަތީ އޭނާ އާ ދެކޮޅަށް ހުށަހެޅި ހިޔާނާތުގެ މައްސަލައެއް ސާބިތުވާ ކަމަށް ސުޕްރީމް ކޯޓުން ނިންމުމާ ގުޅިގެންނެވެ. އެ މައްސަލައިގައި ނާޒިމްގެ މައްޗަށް 25 އަހަރުގެ ޖަލު ހުކުމެއް އައި ނަމަވެސް ސުޕްރީމް ކޯޓުން އެ ހުކުމް ރިވިއު ކުރުމަށް 2018 ވަނަ އަހަރުގެ ޑިސެމްބަރު މަހުގެ 13 ވަނަ ދުވަހު އެ ހުކުމް ބާތިލު ކުރުމާ އެކު އޭނާ މިނިވަންވި އެވެ.
ކުރީގެ ރައީސް މައުމޫން އަބްދުލްގައްޔޫމްގެ އެޑްމިނިސްޓްރޭޝަނުގައި ސްޓޭޓް މިނިސްޓަރުކަން ކުރެއްވި ނާޒިމަކީ ރައްޔިތުންގެ މަޖިލިހުގެ މެންބަރުކަމާއި ހާއްސަ މަޖިލިހުގެ މެންބަރުކަންވެސް ކުރައްވާފައިވާ ބޭފުޅެކެވެ.
