މި ތަން ހުޅުވުމަށް ވެލާނާ އިންޓަނޭޝަނަލް އެއާޕޯޓުގައި ބޭއްވި ރަސްމިއްޔާތު ޝަރަފްވެރި ކޮށްދެއްވާ ވާހަކަ ދައްކަވަމުން އެމްއޭސީއެލްގެ މެނޭޖިންގް ޑިރެކްޓަރު އިބްރާހިމް ޝަރީފް މުހައްމަދު ވިދާޅުވީ މިތަން ހުޅުވުމުގެ ސަބަބުން ދަތުރު ކުރާ ދަތުރުވެރިންނަށް ބޮޑެތި ފަސޭހަ ތަކެއް ވެގެން ދާނެ ކަމަށެވެ.
ވެލާނާ އިންޓަނޭޝަނަލް އެއާޕޯޓުގެ ފޯކޯޓުގައި ހުޅުވުނު މިތަނަކީ މިހާރުވެސް އެމްއޭސީއެލްގެ ދެ ޕާޓުނަރުން ކަމަށްވާ ދަ ގުރޭޕް އެކްސްޕެކްޓޭޝަން ގެ އިތުރުން އެޗްއެމްއެސް ހޯސްޓުގެ 2 ފުޑް އައުޓްލެޓެވެ.
ޝަރީފް ވިދާޅުވީ އެބޭފުޅުންގެ އުންމީދަކީ އަނގުހެޔޮކޮށް އަދި އުފާވެރި ހިނިތުންވުމަކާއެކު ހިދުމަތް ހޯއްދަވާ ފަރާއްތަކަށް ހިދުމަތް ދެވިގެން ދިއުންކަމަށެވެ.
ވެލާނާ އެއާޕޯޓުގައި މިހާރުވެސް މިފަދަ ގިނަ އައުޓްލެޓުތަކެއް ހުރިކަން ފާހަގަ ކޮށްލެވެ އެވެ. އަދި މިފަދަ ހުރިހާ ތަންތަނަކުންވެސް ރައްޔިތުންނަށް ދަނީ އެތަކެއް ފައިދާތަކެއް ލިބެމުންނެވެ.
