ބޮލީވުޑުގެ މަޝްހޫރު ތަރިންގެ ދަރިން ނުވަތަ ސްޓާ ކިޑްސްގެ "ދި އާޗީސް" ރިލީޒްކޮށްފައިވާއިރު، އެ ފިލްމުން ދަނީ ހުރިހާ އެކްޓަރުންނަށް ފާޑުކިޔުންތައް އަމާޒުވަމުންނެވެ.
ހާއްސަކޮށް އަގަސްތާ ނަންދާ އާއި ޚުޝީ ކަޕޫރަށް ފާޑުކިޔުންތައް ބޮޑެވެ. އެކުދިން ކަޑަ އެކްޓަރުންގެ ގޮތުގައި ލޭބަލް ކުރެވިފައިވާއިރު، އަދި މިހާރު ނެޕޮޓިޒަމް ބަހުސްއާ ގުޅިގެން އެމީހުންނާއި އެހެން ސްޓާ ކުދިންނަށް އަންނަނީ އިންޓަނެޓުގައި ޓްރޯލްކުރަމުންނެވެ.
ސޯނީ އަދި އާލިއާ ބަޓް
ނަމަވެސް އެންމެފަހުން ސްރީދޭވީގެ ދަރިފުޅު ހުޝީކަޕޫރު އަދި އަމީތާބް ބަޗަންގެ ކާފަ ދަރިފުޅު އަގަސްތާ ނަންދުގެ ދިފާއުގައި މި ކުތީ އާލިއާ ބަޓްގެ މަންމަ ސޯނީ ރަޒްދާން އެވެ.
އުމުރުން އެންމެ 54 އަހަރުގައި 2018 ވަނަ އަހަރު ބޮލީވުޑްގެ ވެޓްރަން އެކްޓަރު ސްރީދޭވީ ވަނީ މަރުފެފައެވެ.
"ދި އާޗީޒް" އަކީ ސްރީދޭވީގެ ހަގު ދަރިފުޅު ހުޝީ ކަޕޫރުގެ އެންމެ ފުރަތަމަ ފިލްމެވެ. މި ފިލްމި މިހާރު ވަނީ "ނެޓްފްލިކްސް" އަށް ރިލީޒްކޮށްފައެވެ.
އާލިއާގެ މަންމަގެ ކޮމެންޓާ ގުޅުވައިގެން ވެސް ބައެއް މީހުން ރައްދުވެސް ދީފައިވެއެވެ. އެމީހުން ބުނަނީ ބޮލީވުޑް އިންޑަސްޓްރީގައި ނެޕޮޓިޒަމް އޮތުމުގެ ސަބަބުން ރަނަގަޅު އެކްޓަރުންނަށް ފުރުސަތު ނުލިބޭކަމަށެވެ. މިގޮތުން އާޗީޒްގެ އެކްޓަރުން މި ފަހަރު ފެއިލްވިއަސް އެމީހުންނަށް ކުރިއަށްވެސް އެތައް ފުރުސަަތެއް ލިބޭނެކަމަށެވެ.
ނެޕޮޓިޒަމް އަކީ އާއިލާ މީހުންނާ ގާތް ރަހުމަތްތެރިންނަށް ފުރުސަތު ދީގެންކަންކަން ކުރުމެވެ. އާޗީގެ ލީޑު ރޯލުން ފެންނަނީ ޝާހުރުކްހާންގެ ދަރިފުޅު ސުހާނާ ހާން އާއި، އަމީތާބްގެ ކާފަ ދަރިރުޅު އަނަސްތާ ނަންދުއެވެ.
