ރައީސުލްޖުމްހޫރިއްޔާ ޑރ. މުއިއްޒު ހުރަވީ ދުވަހުގެ ޖަލްސާގައި ވާހަކަ ދައްކަވަނީ - ފޮޓޯ: ރައީސް އޮފީސް
ސަރުކާރު ހިންގަން ފެށުމާ އެކު، ވައުދާ އެއްގޮތަށް ފައިސާ ޗާޕްކުރުން ހުއްޓާލައިފިން
ފާތިމަތު ރީމް
17 ޑިސެމްބަރ 2023 - 10:05:40
ވީ ވައުދުފުޅާ އެއްގޮތަށް ފައިސާ ޗާޕް ކުރުން ހުއްޓާލައިފައިވާނެ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެ އެވެ.
Advertisement
ރައީސް މިފަދައިން ވިދާޅުވެފައިވަނީ ހުރަވީ ދުވަހާ ގުޅިގެން ރޭ ޒުވާނުންގެ މަރުކަޒުގައި ބޭއްވި ރަސްމިއްޔާތުގައި ވާހަކަ ދައްކަވަމުންނެވެ.
ރައީސުލްޖުމްހޫރިއްޔާގެ ހަފްތާ 14 އެޖެންޑާގެ ތެރޭގައި ފުރިހަމަ ކުރުމަށް ވީ ވައުދުފުޅު ތަކުގެ ތެރެއިން ފައިސާ ޗާޕްކުރުން އެއްކޮށް ހުއްޓާލާނެ ކަމަށް ވަނީ ވައުދުވެފަ އެވެ. ރައީސް ވިދާޅުވީ ސަރުކާރު ހިންގަން ފެށުމާއެކު ދައުލަތުން ފައިސާ ޗާޕްކުރުން ހުއްޓާލާފައި ވާކަމަށެވެ.
"ފައިސާ ޗާޕްކުރުން ހުއްޓާލާނެ ކަން އެއީވެސް އަޅުގަނޑުމެން ވީ ވައުދެއް، އަޅުގަނޑުމެން ސަރުކާރު ހިންގަން ފެށުމާއެކު ދައުލަތުން ފައިސާ ޗާޕްކުރުން އެއްކޮށް ވާނީ ހުއްޓާލާފަ" - ރައީސް ވިދާޅުވި އެވެ.
ރައީސުލްޖުމްހޫރިއްޔާގެ ހަފްތާ 14 އެޖެންޑަގައި ވަނީ ޖުމްލަ 161 ކަމެއް ހާސިލް ކުރުމަށް ވައުދުވެވަޑައިގެންފަ އެވެ. އެގޮތުން ހަފްތާ ހަތަރެއް އަކާ ހަމައަށް އައި އިރު ހަތަރު ވަނަ ހަފްތާއާ ހަމައަށް ފުރިހަމަ ކުރަންޖެހޭ ހުރިހާ ވައުދެއް ވަނީ ފުރިހަމަ ކޮށް ނިންމާފައިކަމަށް ރައީސް މުއިއްޒުގެ އެޑްމިނިސްޓްރޭޝަނުން ބުނެ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
