މިއެއްބަސްވުމުގައި ރީޖަނަލް އެއާޕޯޓްސް ކޮމްޕެނީގެ ފަރާތުން ސޮއި ކުރެއްވީ އެކުންފުނީގެ މެނޭޖިން ޑައިރެކްޓަރު އަހްމަދު މުބީން އެވެ. ކުޅުދުއްފުށި ކައުންސިލުގެ ފަރާތުން ސޮއި ކުރެއްވީ މޭޔަރު މުހައްމަދު އާތިފެވެ.
މި ޕްރޮޖްކެޓްގައި އެއާޕޯޓާ އިން ވެގެން އޮންނަ ކުޅި ހިމެނޭހެން އުތުރަށް އޮތް ހުސް ބިމުގައި ފަތުރުވެރިކަމުގެ ޒޯނެއް ތަރައްގީ ކުރާށާއި މުޅި ޒޯން ތަރައްގީ ކުރަން ފައިސާ ހޯދާނެ އެވެ.
މިހާރު ޑޮމެސްޓިކް ހަތް އެއާޕޯޓެއް ބަލަހައްޓާ އާރްއޭސީއެލް އިން ހިންގަ މި ޕްރޮޖްކެޓަކީ ކުޅުދުއްފުށި ސިޓީ އާއި އެ ސިޓީގެ ރައްޔިތުންނަށް ފައިދާ ކުރާ ގޮތަށް ޒޯން ތަރައްގީ ކުރުމުގެ ޕްރޮޖެކްޓެކެވެ.
ރީޖަނަލް އެއާޕޯޓްސް އިން އިތުރަށް ބުނީ މިމަޝްރޫއު ހަގީގަތަކަށް ވެގެން ދިއުމުން ކުޅުދުއްފުށި އެއާޕޯޓަށް ދަތުރުކުރާ ފްލައިޓްތައް އިތުރުވެ އެ ސިޓީގައި އިތުރު ވަޒީފާތައްވެސް އުފެދިގެންދާނެ ކަމަށެވެ.
އަހުމަދު މުބީން އާރްއޭސީއެލް އާއި ހަވާލުވެވަޑައިގެންފަހުން، ވަރަށް ގިނަ މަސްރޫއުތަކެއް ފެށުމަށާއި، އިންގިލާބީ ބަދަލެއް ކުންފުންޏަށް ގެނައުމަށް ދަނީ ވަރަށް ގިނަގުނަ މަސައްކަތްތަކެއް ކުރަމުންނެވެ. އަދި މުބީންގެ އަމާޒަކީ، އިތުރު ކޮމާޝަލީ ވައިބަލް ވާ މަޝްރޫއުތަކަށް އިންވެސްޓްކޮށް ސަރުކާރުގެ މާލީއެހީއަށް ބަރޯސާވެފައި އޮތްއޮތުން ކުރިއަށް އޮތް ތިން އަހަރު ތެރޭ ނިމުމަކަށް ގެނެސް، ފައިދާ ނެރޭ ކުންފުންޏަކަށް ހެދުމެވެ.
މިވަގުތު އާރްއޭސީއެލްގެ ފަރާތުން ޖުމްލް ހަތް އެއާޕޯޓެއް އޮޕަރޭޓްކުރަމުން ދެ އެވެ.
