ރައީސް މިއަދު ބައްދަލުކުރެއްވި ބޭފުޅުންނަކީ ޖުމްހޫރީ ޕާޓީގެ ލީޑަރު އަދި ރައްޔިތުންގެ މަޖިލީހުގެ މާމިގިލީ ދާއިރާގެ މެންބަރު އޮނަރަބަލް ގާސިމް އިބްރާހީމާއި މޯލްޑިވްސް ޑިވޮލޮޕްމަންޓް އެލަޔަންސްގެ ރައީސް އަދި ރައްޔިތުންގެ މަޖިލީހުގެ މީދޫ ދާއިރާގެ މެންބަރު އޮނަރަބަލް އަހުމަދު ސިޔާމް މުހައްމަދާއި މޯލްޑިވްސް ނޭޝަނަލް ޕާޓީގެ ރައީސް އަދި ރައްޔިތުންގެ މަޖިލީހުގެ ދަނގެތީ ދާއިރާގެ މެންބަރު ކާނަލް (ރިޓަޔާޑް) މުޙައްމަދު ނާޒިމާއި ދަ ޑިމޮކްރެޓްސްގެ ރައީސް އަދި ރައްޔިތުންގެ މަޖިލީހުގެ ހެންވޭރު ހުޅަނގު ދާއިރާގެ މެންބަރު އަލްއުސްތާޛު ހަސަން ލަތީފެވެ.

ރައީސް އޮފީހުން ބުނި ގޮތުގައި މިއަދު ބޭއްވި ހަތަރު ބައްދަލުވުމުގައި ވެސް މައިގަނޑު ގޮތެއްގައި މަޝްވަރާކުރީ ގައުމުގެ ކަންކަން ކުރިއަށް ގެންދިއުމުގައި އެންމެން ގުޅިގެން ރައްޔިތުންގެ ފައިދާ އާއި ލާބައަށް މަސައްކަތްކުރުމުގެ މުހިންމުކަމާ ގުޅޭ ގޮތުންނެވެ.

ރައީސް އަދި ގާސިމް

ހަމައެއާއެކު ގައުމުގައި ސުލްހައާއި ހަމަޖެހުން ގާއިމުކުރުމާއި ސަރުކާރުން ކުރިއަށްގެންދާ ތަރައްގީގެ އެކިއެކި މަޝްރޫއުތަަކަށް އެ ޕާޓީތަކުގެ ފަރާތުން އެއްބާރުލުން ދޭނެކަމުގެ ޔަގީންކަން ވެސްވަނީ ދީފައެވެ.

ރައީސް އަދި ހަސަން ލަތީފް

ހަތަރު ޕާޓީއެއްގެ ތާއިދު ރައީސަށް އޮތްކަން މިއަދު ހާމަކުރިއިރު އިދިކޮޅު އެމްޑީޕީން ގެންދަނީ ރައްޔިތުންގެ މަޖިލީހުގެ ތެރެެއިން ސަރުކާރަށް ވަރަށް ބޮޑަށް ޕްރެޝަރު ކުރަމުންނެވެ. 

މަޖިލީހުގައި މެންބަރުންގެ ގޮތުގައި ވެސް ތިއްބަވާ މި ބޭފުޅުންނާ ރައީސް ބައްދަލުކުރެއްވިއިރު މި ވަގުތު ސަރުކާރުގެ ވަޒީރުންނަށް ރުހުން ދިނުމުގެ މަސައްކަތް ވެސް މަޖިލީހުގައި އެބައޮތެވެ.

ރައީސް އަދި ނާޒިމް