މިއަދު ރައީސް އޮފީހުގައި ބޭއްވި ނޫސްވެރިންގެ ބައްދަލުވުމެއްގައިއޭނާ ވިދާޅުވީ ބިދޭސީން ރާއްޖެއަށް އެތެރެކުރާއިރު ކުރަންޖެހޭ ޓެސްޓުތަކާ ގުޅޭގޮތުން ގޮތް ނިންމުމުގެ ބާރު މިހާރު ހެލްތް މިނިސްޓްރީއަށް ދީފައިވާކަމަށެވެ.
މިގޮތުން ދިވެހިރާއްޖެއަށް ސަރުކާރުގެ ފަރާތުން ވެސް އަދި އަމިއްލަ ފަރުދުން އެތެރެކުރާ ބިދޭސީން ހެލްތް މޮނިޓާކުރުމުގައި ތަފާތެއް ނުގެންގުޅޭނެކަމަށެވެ.
މިހާތަނަށް ފައިލޭރިއާގެ 32 ކޭސްއެއް ފެނިފައިވާކަމަށް އެޗްޕީއޭގެ ތަފާސް ހިސާބުތަކުން ދައްކައެވެ. މީގެ ތެރޭގައި ތިބީ މުޅިންވެސް ބިދޭސީ މަސައްކަތްތެރިންނެވެ.
ފައިލޭރިއާގެ ކޭސްތައް ރާއްޖޭގައި ފެންނަން ފެށުމުން ރާއްޖެއަށް ބިދޭސީ މަސައްކަތްތެރިން އެތެރެކުރާއިރު ފައިލޭރިއާއަށް ޓެސްޓުކުރުން ލާޒިމްކުރަން އިއްޔެ ސަރުކާރުން ވަނީ ނިންމާފައެވެ.
ފައިލޭރިއާ ފެނިފައިވަނީ ހދ. ކުޅުދުއްފުށި، މާލެ އަދި ހުޅުމާލެއެވެ.
