ބަޔާނުގައި ބުނެފައިވަނީ މިފަދަ ހާލެއްތަކުގައި ރާއްޖެއިން އަބަދުވެސް އަވައްޓެރި ގައުމުތަކުގެ އެހީތެރިކަން ހޯދަމުން އަންނަކަމަށާއި ނަމަވެސް މި ހާލަތުގައި އަދިވެސް އެފަދަ އެއްވެސް އެހީ އަދި ވަސީލަތެއްގެ ބޭނުންވެސް ސަރުކާރުގެ ފަރާތުން ކޮށްފައި ނުވާކަމަށެވެ.
ރާއްޖޭގެ ސިފައިންނާއި ބޭރު ގައުމުތަކާ އެކު ގުޅިގެން ކުރިއަށް ގެންދިޔަ މިފަދަ 1،996 އޮޕަރޭޝަނެއްގައި 3,452 މީހުން ސަލާމަތް ކުރެވިފައި ވުމަކީ މި ދެންނެވި ވަސީލަތްތައް ބޭނުންކުރުމުން އޮޕަރޭޝަންތަކުގެ ކާމިޔާބީގެ ރޭޓު މަތިކަން ހާމަކޮށްދޭ ކަމެއް ކަމަށް ވެސް މި ބަޔާނުގައި ފާހަގަ ކޮށްފައިވެއެވެ.
މީގެ ކުރިން މީހުން ހޯދުމުގެ އޮޕަރޭޝަންތަކުގައި އިންޑިއާއިން ހަދިޔާކޮށްފައިވާ ހެލިކޮޕްޓަރުތަކާއި ޑޯނިއާ މަތިންދާ ބޯޓު ބޭނުން ކުރެ އެވެ. ނަމަވެސް މި އޮޕަރޭޝަނުގައި އެ މަތިންދާ ބޯޓު ބޭނުން ނުކުރާތީ، ހުރި ވަސީލަތެއްގެ ބޭނުން ކުރުމަށް އެދި މީހުން ދަނީ ސޯޝަލް މީޑިއާގައި ހިޔާލު ފާޅު ކުރަމުންނެވެ.