މިޒްނާގެ ވަޒީފާ ދަމަހައްޓަން ފޮރިން މިނިސްޓްރީން މި މަހު 20 ގައި ނިންމައި ވަނީ ލިޔުން ފޮނުވާފައެވެ.
މިޒްނާގެ ބައްޕަ، ރައްޔިތުންގެ މަޖިލީހުގެ މަރަދޫ ދާއިރާގެ މެންބަރު އިބްރާހިމް ޝަރީފު (މަވޯޓާ) ވަނީ އިއްޔެ އެމްޑީޕީން ވަކިވެވަޑައިގެންފައެވެ. ނަމަވެސް މަވޯޓާ ވެސް އަދި މިޒްނާ ވެސް މިކަމާގުޅޭގޮތުން އަދި ވަކިއެއްޗެއް ހާމައެއް ނުކުރައްވައެވެ.
ރިޔާސީ އިންތިހާބު ރައީސް ޑރ. މުހައްމަދު މުއިއްޒު ކާމިޔާބު ކުރެއްވުމާ ގުޅިގެން ދިވެހި ހައި ކޮމިޝަންތަކާއި އެމްބަސީތަކުގެ ސިޔާސީ މަގާމުތަކުގައި ތިއްބެވި ބޭފުޅުން ނޮވެމްބަރު 18 ގެ ކުރިން ރާއްޖެ ވަޑައިގަތުމަށް ފޮރިން މިނިސްޓްރީން އެނގިއެވެ. ޑިސެމްބަރުގެ ނިޔަލަށް އެ ބޭފުޅުންގެ ޑިޕްލޮމެޓިކް ޕާސްޕޯޓު ކެންސަލު ވާނެ ކަމަށް ވެސް އޮތީ އަންގައިފައެވެ.
އެ އެންގުމާއެކު، ދިވެހި މިޝަންތަކުގައި ތިއްބެވި ބައެއް ބޭފުޅުން މަގާމުގެ މުއްދަތު އިތުރުކޮށް ދެއްވުމަށް އާ ސަރުކާރަށް ހުށަހެޅުއްވިއެވެ.
ނަމަވެސް، ކުރީގެ ސަރުކާރުން އައްޔަނުކޮށްފައިވާ ބޭފުޅުންގެ ތެރެއިން، މިޝަންތަކުގައި އަދިވެސް ތިއްބެވީ ކޮން ބައެެއް ކަމެއް ނުވަތަ އަލުން މަގާމަށް އައްޔަން ކުރެއްވީ ކޮން ބައެއް ކަމެއް ސަރުކާރުން ހާމައެއް ނުކުރެއެވެ.
