ރަނާއި ރިހި އެޅިޔަސް އެމްޑީޕީ ދޫލެއްނުކުރާނަން: ރާއީ
ސީއެންއެމް ނިއުސް ޓީމް
26 ޑިސެމްބަރ 2023 - 13:09:39
ރަނާއި ރިހި އެޅިކަމުގައިވީ ނަމަވެސް އެމްޑީޕީ ދޫނުކުރައްވާނެކަމަށް މަކުނުދޫ ދާއިރާގެ މެމްބަރު މުހައްމަދު ރާއީ ވިދާޅުވެއްޖެއެވެ.
Advertisement
އޭނާ މިއަދު ސީއެންއެމްއާ ވާހަކަދައްކަވަމުން ވިދާޅުވީ އެމްޑީޕީ އާއި އޭނާ ހޮވުމަށް އެމްޑީޕީގެ މެމްބަރުން ކުރެއްވި މަސައްކަތަށް އޭނާ މާ މުހިންމުކަމަށާއި އޭނާ އެމްޑީޕީ ދޫކޮށްލަން ވިސްނާނީވެސް އެމްޑީޕީ މުޅި ލީޑާސިޕް އެމްޑީޕީ ދޫކޮށްލާ ހިސާބުން ކަމަށެވެ.
"އަޅުގަނޑު ދެކޭ ގޮތުގައި މީޑިއާތަކުންވެސް ޒިންމާދާރު ވާން އެބަޖެހޭ. ވަރަށް ބައިވަރު ފޭކް ހަބަރުތައް މި ދުވަސް ކޮޅު ދައުރުވަމުން އެބަދޭ. މިކަހަލަ ނިންމުމެއް އަޅުގަނޑު ނިންމައިފިޔާ އަޅުގަނޑު އަމިއްލައަށް އެކަން އަންގާލާނަން" ރާއީ ވިދާޅުވިއެވެ.
ރާއީ ފާހަގަ ވެގެެން ގޮސްފައިވަނީ މަޖިލީސް ތެރޭގައި ވަރަށް ބައިވަރު އަދި މުހިންމު މަސައްކަތްތަކެއް ކުރައްވަމުންދާ މެމްބަރެއްގެ ގޮތުގައިއެވެ.
ރާއީ މިހެން ވިދާޅުވެފައި ވަނީ އޭނާ އެމްޑީޕީ ދޫކޮށް ޕީއެންސީ އާއި ގުޅެން އުޅޭކަމުގެ އަޑު ސޯސަލް މީޑިޔާ ތެރޭގައި ފެތުރިފައި އޮތް ވަގުތެއްގައިއެވެ.
83%
ކަމުގޮސްފި
0%
އަޑުއެހިތާ މިހުރީ
17%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
