ނައިބް ރައީސް ހުސައިން މުހަންމަދު ލަތީފުގެ ގެ ތައުޒިއްޔާ ސަން ޝިޔާމްއަށް
ސީއެންއެމް ނިއުސް ޓީމް
03 ޖެނުއަރީ 2024 - 11:15:28
ސަން ސިޔާމްގެ ބައްޕާފުޅު އަވަހާރަ ވުމާއި ގުޅިގެން ނައިބް ރައީސް ހުސައިން މުހަންމަދު ލަތީފް ތައުޒިއްޔާ ވިދާޅުވެއްޖެއެވެ. ނައިބް ރައީސް ތައުޒިއްޔާ ވިދާޅުވެފައިވަނީ އެކްސް ގައި ކުރައްވާފައިވާ ޕޯސްޓެއްގައެވެ.
މި ތައުޒިއްޔާގެ ޕޯސްޓްގައި ރައްޔިތުންގެ މަޖިލީހުގެ ދ.މީދޫ ދާއިރާގެ މެންބަރު ސަން ސިޔާމްގެ ބައްޕާފުޅު އަވަހާރަވި ހަބަރު އަޑުއެހީ ފުންހިތާމައާއިއެކުގައި ކަމަށާއި އަދި މަރުޙޫމަށް ސުވަރުގޭގެ ދާޢިމީ ނިޢުމަތް މިންވަރު ކުރައްވާ އާއިލާއަށް ކެތްތެރިކަން ދެއްވުމަށް އެދިފައި ނައިބް ރައީސް ގެ ޕޯސްޓްގައި ވެއެވެ.
ސިޔާމް ގެ ބައްޕާފުޅު މުހަޙައްމަދު ގާސިމް އަކީ ކުޑަފަރީގެ ކަތީބުކަމާއި، ސްކޫލުގެ ނާޒިރުކަން ކުރައްވާފައިވާ ބޭފުޅެކެވެ. ގާސިމް ނިޔާވެފައިވަނީ އުމުރުފުޅުން 81 އަހަރުގައެވެ.
ދ.މީދޫ ދާއިރާގެ މެންބަރުގެ އިތުރުން ސިޔާމް އަކީ މޯލްޑިވްސް ޑިވެލޮޕްމަންޓް އެލައަންސް (އެމްޑީއޭ) ގެ ރައީސް އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
