"ރާއްޖެ މިއަދު" ޕްރޮގްރާމުގައި ވާހަކަ ދައްކަވަމުން މަތީން ވިދާޅުވީ އެމްޑަބްލިއުއެސްސީ އާއި ހަވާލުވެލެއްވުމަށްފަހު ފާހަގަކުރެވުނު އެންމެ ކަންބޮޑުވެލައްވާ އެއް ކަމަކީ މީގެ ފަސް އަހަރު ކުރިން ފެނުގެ ރައްކާތެރިކަމާގުޅޭގޮތުން ފަށާފައިވާ މުހިންމު މަޝްރޫއުތަކެއް ހުއްޓާލާފައިވާކަންކަމަށެެވެ.
މިފަދަ މަޝްރޫއުތައް މި ނިމުނު ރައީސް އިބްރާހިމް މުހައްމަދު ސޯލިހުގެ ސަރުކާރުން ހުއްޓާލާފައިވަނީ "އެކަށީގެންވާ އަހަންމިއްޔަތުކަން ފެނުގެ ރައްކާތެރިކަމަށް ނުދޭތީ" ކަމަށް މަތީން ވިދާޅުވިއެވެ.
އެމްޑަބްލިއުއެސްސީގެ މެނޭޖިންޑިރެކްޓަރު ވިދާޅުވީ މާލެއާއި ހުޅުމާލެއާއި ދެމެދު ފެނުގެ ނިޒާމު ގުޅާލުމުގެ މަސައްކަތް ކުރިއަށް ނުގޮސް އޮތީ ސަރުކާރުތެރެއިން އެ ކުންފުންޏަށް ލިބެންޖެހޭ އެއްބާރުލުން ނުލިބިގެންކަމަށެވެ.
މަތީން ވިދާޅުވީ ފެނުގެ ކެޕޭސިޓީ ދެ ގުނުކުރުމަށް ވެސް އެ ކުންފުނިން އަމާޒުކޮށް މަޝްރޫއެއް ފެށިކަމަށެވެ.
މަތީން ވިދާޅުވީ ފެނުގެ ހިދުމަތް ތަރައްގީކޮށް ޔަގީންކުރުން ވަރަށް މުހިންމުކަމަށެވެ. އަދި ވެރިކަން ކުރާ ރަށެއްގައި ކަމެއް ދިމާވެދާނެފަދަ ހާލަތަކަށް ތައްޔާރަށް އޮތުން މުހިންމުކަމަށެވެ.
