ރައީސް ޝީ މިހެން ވިދާޅުވީ ރައީސް ޑރ. މުހައްމަދު މުއިއްޒު ޗައިނާއަށް ކުރައްވަމުން ގެންދަވާ ރަސްމީ ދަތުރުފުޅުގެ ތެރެއިން، ބެއިޖިންގެ ގްރޭޓް ހޯލް އޮފް ޕީޕަލްގައި އެ ދެ ބޭފުޅުން މިއަދު ބޭއްވެވި ރަސްމީ މަޝްވަރާ ބައްދަލުކުރެއްވުމުގަ އެވެ.
މި ބައްދަލު ކުރެއްވުމުގައި ރައީސް ޝީ ވަނީ ރައީސް ޑރ. މުއިއްޒު ރިޔާސީ އިންތިހާބުން ހޯއްދެވި ކާމިޔާބީއަށް މަރުހަބާ ވިދާޅުވެފަ އެވެ. އަދި މުސްތަގްބަލުގައިވެސް އެކި ދާއިރާތަކުން ދެ ގައުމުގެ ގުޅުން ބަދަހި ވާނެ ކަމަށް އުއްމީދު ކުރައްވާ ކަމަށް ޝީ ވިދާޅުވި އެވެ.
މީގެއިތުރުން ފަތުރުވެރިކަމާއި، ވައިގެ ދަތުރުފަތުރުގެ ދާއިރާއިން ދެ ގައުމުގެ ދެމެދުގައި ގުޅުން ބަދަހިކުރެވޭނެ ގޮތްތަކަށް މި މަޝްވަރާގައި ދެ ބޭފުޅުން އަލިއަޅުއްވާލެއްވި އެވެ.
ބިނާކުރަނިވި މަޝްވަރާ ތަކެއް ކުރިއަށް ގެންދެވުނު މި ބައްދަލުވުމުގައި ރައީސް ޑރ. މުއިއްޒު ވަނީ، ތަފާތު ދާއިރާތަކުން ރާއްޖެއަށް ޗައިނާއިން ދޭ އެހީތެރިކަމުގެ އަގު ވަޒަންކޮށް އެ ގައުމަށް ޝުކުރު އަދާކުރައްވާފަ އެވެ.
މި ބައްދަލުކުރެއްވުމަށްފަހު ރާއްޖެއާއި ޗައިނާއާ ދެމެދު ވަނީ 20 އެމްއޯޔޫއެއްގައި ސޮއިކޮށްފަ އެވެ.
ރައީސްގެ ދެކަނބަލުންގެ މި ދަތުރުފުޅަކީ ޗައިނާގެ ރައީސް ޝީ ޖިންޕިން ގެ ދަޢުވަތަކަށް ކުރައްވާ ދަތުރުފުޅެކެވެ. މިއީ ރައީސްގެ މަގާމާއި ހަވާލުވެވަޑައިގަތުމަށްފަހު އެމަނިކުފާނު ޗައިނާއަށް ކުރައްވާ ފުރަތަމަ ދަތުރުފުޅުވެސްމެ އެވެ.
