ޗައިނާއަށް ކުރެއްވި ރަސްމީ ދަތުރުފުޅު ނިންމަވާލެއްވުމަށް ފަހު ރާއްޖެއަށް އެނބުރި ވަޑައިގެން ވެލާނާ އިންޓަނޭޝަނަލް އެއާޕޯޓްގައި ނޫސްވެރިންނަށް މައުލޫމާތު ދެއްވަމުން ރައީސް ވިދާޅުވީ، ރާއްޖެއަށް ބޭނުންވާ ކާޑުގެ ބާވަތްތައް އެންމެ ގައުމަކަށް ބަރޯސާ ނުވާނެ ކަމަށެވެ.
ރައީސް ވިދާޅުވީ ރާއްޖެއަށް އެއް އަހަރުގެ މުއްދަތަކަށް ބޭނުންވާ ވަރަށް ވުރެ 10 އިންސައްތަ އިތުރު އަދަދަކަށް ކާޑުގެ ބާވަތްތައް ގެނައުމަށް މިހާރު ތުރުކީއާއެކު އެއްބަސްވުމެއްގައި ސޮއި ކޮށްފައި ވާނެ ކަމަށެވެ. އޭގެތެރެއިން ފުށުގެ ފުރަތަމަ ޝިޕްމެންޓަށް މިހާރު އޯޑަރު ދީފައިވާ ކަމަށާއި، ފެށޭ މަހުގެ ތެރޭގައި އެ ޝިޕްމެންޓް ރާއްޖެ އަންނާނެ ކަމަށް ރައީސް ވިދާޅުވި އެވެ.
މީގެއިތުރުން ފިޔާ، ބިސް އަދި އަލުވި ފަދަ ތަކެތި ގެނެވޭނެ ގޮތް ވެސް އެކި ގައުމުތަކުން ހަމަޖެހިފައި ވާ ކަމަށް ވެސް ރައީސް ވިދާޅުވި އެވެ.
ރައީސް މިކަން އިއުލާނު ކުރައްވާފައިވާއިރު، ރާއްޖެއަށް ކާޑުގެ ބާވަތްތަކާއި ފިޔާ، ބިސް އަދި އަލުވި ފަދަ ތަކެތި މިހާރު އެންމެ ގިނައިން އެތެރެކުރަނީ އަވައްޓެރި އިންޑިއާއިންނެވެ.
