ނަބާ ފައިނަލުގައި ބައްދަލުކޮށްފައިވަނީ ރާއްޖޭގެ މަންހާ މުހައްމަދުއާ އެވެ. ފައިނަލް މެޗުން މިއަދު ނަބާ މޮޅުވީ، 6-0، 6-1 އިންނެވެ.

އުމުރުން 12 އަހަރުގެ ނަބާ އަކީ، ރާއްޖޭގެ ޓެނިހުގެ ތާރީހުގައި އެންމެ ޒުވާން އަންހެން ގައުމީ ޗެމްޕިއަނެވެ. އޭނާ ވަނީ 2021 އާއި 2022 ވަނަ އަހަރު އަންހެން ސިންގަލްސް އޯޕަން ބައިން ޗެމްޕިއަންކަން ހޯދައި، މިދިޔަ އަހަރު ރަނަރަޕަށް ގޮސްފަ އެވެ.

މިއީ ފަސް ދުވަސް ތެރޭގައި ނަބާ ހޯދި ދެ ވަނަ ތަށްޓެވެ. އޭނާ ވަނީ އިންޓަނޭޝަނަލް ޓެނިސް ފެޑެރޭޝަނުގެ އޭޝިއާގެ ޑިވެލޮޕްމަންޓް ޗެމްޕިއަންޝިޕްގެ 14 އަހަރުން ދަށުގެ ބައިން ވެސް ތަށި ހޯދައިފަ އެވެ. އެއީ، ފައިނަލުގައި، ސްރީ ލަންކާގެ އަންނަޔާ ޖޯނީ ނޯބާޓްއާ ކުޅެގެން، 6-1، 6-0 އިން މެޗު ކާމިޔާބުކޮށްގެންނެވެ.