ރައީސުލްޖުމްހޫރިއްޔާ ޑރ. މުހައްމަދު މުއިއްޒާއި އެމެރިކާ އިންޑޯ-ޕެސިފިކް ކޮމާންޑް މިއަދު ބޭއްވެވި ބައްދަލުކުރެއްވުމާ ގުޅޭގޮތުން ރައީސް އޮފީހުން ބުނީ، ރާއްޖޭގެ މިނިވަންކަމާއި ސަލާމަތާ ރައްކާތެރިކަން ދެމެހެއްޓުމުގެ މަސައްކަތުގައި، ކުރިއަށް އޮތަތާގައި ވެސް އެމެރިކާއިން އެއްބާރުލުން ދޭނެ ކަމަށް އެޑްމިރަލަ ޖޯން ވިދާޅުވި ކަމަށެވެ.
މިއަދު ހެނދުނު ރައީީސް އޮފީހުގައި ބޭއްވެވި ބައްދަލުކުރެއްވުމުގައި، އެމެރިކާ އާއި ރާއްޖެއާ ދެމެދު އޮންނަ ގާތް ގުޅުން ފާހަގަކުރެއްވައ، މުސްތަގުބަލުގައި އިތުރު ދާއިރާ ތަކުން ގުޅުން ބަދަހި ކުރުމާ ބެހޭގޮތުން ވެސް އެޑްމިރަލް ޖޯން ޝައުގުވެރިކަން ފާޅުކުރެއްވި އެވެ.
މި ބައްދަލުކުރެއްވުމުގައި ރައީސް ޑރ. މުއިއްޒު ވަނީ އެއްއެންޑީއެފްގެ ގާބިލިއްޔަތުކަން އިތުރުކުރުމަށް އެމެރިކާއިން ދެމުންދާ އެއްބާރުލުމާއި އެހީތެރިކަމަށް ޝުކުރު އަދާކުރައްވާފަ އެވެ.
މީގެއިތުރުން ދިވެހި ސިފައިންގެ ތަމްރީނުތަކަށް އެމެރިކާއިން ފުރުސަތު ފަހި ކޮށްދޭކޮށްދޭކަން ވެސް ރައީސް ވަނީ ފާހަގަކުރައްވަ އެވެ.
ރައީސްގެ އެ ވާހަކަފުޅަށް ޖަވާބުދެއްވައި އެޑްމިރަލް ޖޯން ވަނީ އެމެރިކާ އިން ދިވި އަސްކަރިއްޔާ ކުރިއެރުވުމަށް އެހީތެރިކަން ފޯރުކޮށްދިނުމުގައި ކުރިއަށް އޮތަތާގައި ވެސް އެމެރިކާ ދެމިއޮންނާނެ ކަމުގެ ޔަގީންކަން ދެއްވާފަ އެވެ.
