އާޒިމް މިފަދައިން ވިދާޅުވެފައިވަނީ މޭޔަރ ކަމާއި ހަވާލުވެވަޑައިގަތުމަށްފަހު، މިއަދު ބޭއްވި ނޫސްވެރިންގެ ބައްދަލުވުމުގައެވެ.
ޕާކިން ބިލްޑިންތައް އެޅުމުގެ މަސައްކަތްތައް ހައުސިން މިނިސްޓްރީން ކުރާ ގޮތަށް ހަމަޖައްސާފައި ވާއިރު، އެ ތަންތަނުގެ މަސައްކަތްތައް އަވަސް ކުރަން މިނިސްޓްރީއާ މަޝްވަރާ ކުރައްވާނެ ކަމަށް މޭޔަރު ވިދާޅުވި އެވެ.
މާލޭގެ ޕާކިން މައްސަލައަށް އަލިއަޅުއްވާލައްވާ އާޒިމް ވިދާޅުވީ ސަރުކާރާ ގުޅިގެން އެކަމަށް ހައްލު ހޯއްދަވަން މަސައްކަތް ކުރައްވާނެ ކަމަށެވެ. ޕާކިން މައްސަލައަށް ހައްލު ލިބިއްޖެނަމަ ޓްރެފިކް މައްސަލަ ވެސް ފަސޭހައިން ހައްލު ވެގެން ދާނެ ކަމަށެވެ.
ވެހިކަލްގެ އަދަދު ކޮންޓްރޯލް ކުރުމާއި ގަރާޖު ސިޓީގެ މައްސަލަ ހައްލު ކުރުން ފަދަ ކަންކަމުގައި އެހީތެރިވުމަށް ޓްރާންސްޕޯޓް މިނިސްޓަރު އަރިހުގައި ވެސް އެދިފައިވާ ކަމަށް އާޒިމް ވިދާޅުވި އެވެ. މިނިސްޓަރުގެ ފަރާތުން އެކަމަށް އެއްބާރުލުން ލިބޭނެ ކަމަސް ވިދާޅުވެފައިވާ ކަމަށް ވެސް ވިދާޅުވި އެވެ.
މޭޔަރުކަމަށް ވާދަ ކުރައްވާ ކުރެއްވި ކެމްޕެއިންގައި އާޒިމް ލޯންޗު ކުރި "ފެހި ތަނަވަސް މާލެ" މެނިފެސްޓޯ ގައި މާލޭގައި ފާހަގަކުރެވޭ ގިނަ މައްސަލަތަކަށް ހައްލު ހުށަހަޅުއްވާފައިވެ އެވެ.
