މިއަދު ބޭއްވި މާލެ ސިޓީ ކައުންސިލްގެ ޖަލްސާގައި ވާހަކަ ދައްކަވަމުން އާޒިމް ވިދާޅުވީ، މޭޔަރުގެ ފަރާތުން ސަރުކާރަށް ދޭން ޖެހޭ ފުރިހަމަ އެއްބާރުލުން ދެއްވާނެ ކަމަށެވެ.

އާޒިމް ވިދާޅުވީ އޭނާގެ ވައުދުތައް ފުއްދުމުގައި ސަރުކާރާ ގުޅިގެން ކަންކަން ތަންފީޒު ކުރަން އިސްކަން ދެއްވާނޭ ކަމަށާއި، އެއްވެސް ކަމެއްގައި ސިޓީ ކައުންސިލަކީ ސަރުކާރަށް ދަތިކޮށް ޖެއްސުން ކުރާ އިދާރާއަކަށް ނުވާނެ ކަމަށެވެ.

މީގެއިތުރުން އާޒިމް ވިދާޅުވީ ކައުންސިލްގެ މަސައްކަތްތަކުގައި ކައުންސިލަރުންގެ އެއްބާރުލުން މުހިއްމު ކަމަށާއި، އެއްވެސް ކަމެއްގައި "ކޯޅުމެއް" އުފެދެން ބޭނުން ނުވާ ކަމަށެވެ.

ކައުންސިލްގެ މަސައްކަތްތަކައިގެން ކުރިއަށް ދާނީ ގުޅިގެން ކަމަށާއި، ދަތިވާފަދަ ކަމެއް ކައުންސިލަރަކަށް މެދުވެރިވާނަމަ އެކަން އޭނާއާ ހިއްސާކޮށްދެއްވުމަށް ވެސް އާޒިމް އެދިވަޑައިގެންނެވި އެވެ.