މިއަދު ތ.ގުރައިދޫގެ ރައްޔިތުންނާއި ބައްދަލުކުރައްވާ ވާހަކަ ދައްކަވަމުން ރައީސް މުއިއްޒު ވިދާޅުވީ ނިމިދިޔަ ރިޔާސީ އިންތިހާބުގައި ތ.އަތޮޅުގެ ރައްޔިތުންގެ ފަރާތުން ދެއްވި ތަރުހީބާއި ތައީދަށް ހިތުގެ އެންމެ ފުންމިނުން ސުކުރު އަދާ ކުރައްވާކަމަށެވެ.
ކެމްޕޭނުގައި ވެވިފައިވާ ވައުދުތައް ފުރިހަމަ ކޮށްދިނުމަށްޓަކާއި ވަރަށް ގިނަ ކަންތައްކަތެއް ޕްލޭނު ކޮށް ތަރުތީބު ކޮށް އެކުލަވާލުމެގެ މަސައްކަތް ފެށިގެން ކުރިޔަށް ދާކަމަށާއި ތ. ގުރައިދޫ އެއާޕޯޓު އެޅުމަށް ބަޖެޓުން ޖާގަ ދީފައި ނެތް ނަމަވެސް މިއަހަރުގެ ތެރޭގައި އެއާޕޯޓު އެޅުމުގެ މަސައްކަތް ފެށިގެންދާނޭކަމަށް ރައީސް ވިދާޅުވި އެވެ.
ރައްޔިތުންނައް އެންމެ މުހިންމުކަމެއްގެ ގޮތުގައި ރައްޔިތުން ރައީސް އަރިހުގައި ދެންނެވީ އެއާ ޕޯޓުގެ ވާހަކަ ކަމަށާއި މި އަހަރު ނިމުމުގެ ކުރިން އެކަން ކޮށްދޭން ކުރެވެން ހުރި ހުރިހާ މަސައްކަތެއް ކޮށްދޭނެކަމަށް ރައީސް ވިދާޅުވި އެވެ.
ރައީސަށް މަރުހަބާ ދެންނެވުމަށް ގުރައިދޫގައި ބަހައްޓާފައިވާ އެއާޕޯޓު ދައްކުވައިދޭ ގިޑިގެ -
މީގެ އިތުރުންވެސް މުހިންމު ކަންތައްކުރަން އެބަހުރި ކަމަށާއި އޭގެ ތެރެގައި ހޮސްޕިޓަލްގެ މަސައްކަތާއި، މަގު ހެދުމާއި ކުޅިވަރާއި ގުޅުން ހުރި ގިނަ ފެޝިލިޓީސްތަކެއް ގާއިމް ކުރުންވެސް ހިމެނިގެން ދާނޭކަަމަށް ރައީސް ވިދާޅުވެ އެވެ.
މި އިގުތިސޯދީ ހާލަތުގައި ވެސް ރަށްރަށުން ބޭނުންވާ ތަރައްގީ ހާސިލު ކުރުމަށް، ސަރުކާރުން ކުރެވެން ހުރި މަސައްކަތް ކުރައްވަމުން ގެންދަވާނެ ކަމަށް އެމަނިކުފާނު ވިދާޅުވި އެވެ.
