ތ. ގުރައިދޫ ރައްޔިތުންނާއި ބައްދަލުކުރައްވާ ވާހަކަ ދައްކަވަމުން ގައްސާން ވިދާޅުވީ ހަތުރުން ފާރަވެރި ކަޅިއަކުން ހިތްހަމަނުޖެހި ފިލާތިބެ ކަންކަން ބަލަމުންދާއިރު ވެސް ރައީސް ޑރ. މުހައްމަދު މުއިއްޒުގެ އިއްޒަތާއި އިތުބާރާއި ހައިބަތު އެމީހުންގެ ކުރިމަތީގައި އުފުލިގެންދާ ކަމަށެވެ.
އެމަނިކުފާނު ދެކެ ލޯބިވެ ގަދަރުކުރާ މީހުން ގަދަރުކުރާ އެންމެ ބޮޑު އެއް ސަބަބަކީ އެމަނިކުފާނު ގަދަ ބަސް ވިދާޅުނުވެ އެމަނިކުފާނު ވަރުގެ ބޭފުޅަކު ދުނިޔޭގައި ނެތްކަމަށް އަމިއްލައަށް ދެކިވަޑައިނުގަންވާ މަޑުމައިތިރިކަމާ ލޯތްބާއެކު ރައްޔިތުންނާއި މުހާތަބު ކުރެއްވާތީ ކަމަށް ގައްސާން ވިދާޅުވިއެވެ.
ގައްސާން ވިދާޅުވި ގޮތުގައި ރައްޔިތުންނަށް ވެވަޑައިގަންނަވާ ވައުދުތައް ފުއްދަވާ އިހްލާސްތެރިކަމާ ތެދުވެރިކަން ކުރިޔަށް ނެރުއްވާ ރައްޔިތުންނައް ހިދުމަތް ކުރަމުން ގެންދަވާތީ ކަމުގަ އެވެ.
މި ހަފްލާ ވާހަކަ ދައްކަވަމުން ރައީސް ވިދާޅުވީ ތ. ގުރައިދޫ އެއާޕޯޓު އެޅުމަށް ބަޖެޓުން ޖާގަ ދީފައި ނެތް ނަމަވެސް މިއަހަރުގެ ތެރޭގައި އެއާޕޯޓު އެޅުމުގެ މަސައްކަތް ފެށިގެންދާނޭކަމުގަ އެވެ.
މީގެ އިތުރުންވެސް މުހިންމު ކަންތައްކުރަން އެބަހުރި ކަމަށާއި އޭގެ ތެރެގައި ހޮސްޕިޓަލްގެ މަސައްކަތާއި، މަގު ހެދުމާއި ކުޅިވަރާއި ގުޅުން ހުރި ގިނަ ފެޝިލިޓީސްތަކެއް ގާއިމް ކުރުންވެސް ހިމެނިގެން ދާނޭކަަމަށް ރައީސް ވިދާޅުވެ އެވެ.
- އިތުރަށް ކިޔާލަން: މި އަހަރު ތ. ގުރައިދޫ އެއާޕޯޓެއް އަޅަން ފަށާނެ: ރައީސް
.
