ށ.ފުނަދޫ ފުޓްބޯޅަ ދަނޑުގެ ސަބްބޭސް ތައްޔާރުކުރުމުގެ މަސައްކަތުގެ އެއްބަސްވުމުގައި ސޮއިކުރުން އޮތީ މިއަދު މިނިސްޓްރީ އޮފް ސްޕޯޓްސް، ފިޓްނަސް އެންޑް ރެކްރިއޭޝަންގައި ކުރިއަށްދިޔަ ރަސްމިއްޔާތެއްގަ އެވެ. މިނިސްޓްރީގެ ފަރާތުން މި އެއްބަސްވުމުގައި ސޮއިކުރެއްވީ ސްޓޭޓް މިނިސްޓަރު އިބްރާހިމް އާމިރު އެވެ. އެމްޓީސީސީގެ ފަރާތުން އެއްބަސްވުމުގައި ސޮއިކުރެއްވީ އެ ކުންފުނީގެ ޗީފް އެގްޒެކްޓިވް އޮފިސަރ ޢަބްދުﷲ ޒިޔާދު އެވެ.
މި އެއްބަސްވުމުގެ ދަށުން މަސައްކަތް ފަށާތާ 90 ދުވަހުގެ ތެރޭގައި މަސައްކަތުގެ ކުރެހުމާއި، އެއްގޮތަށް ހުރިހާ މަސައްކަތެއް ނިންމަން ޖެހެއެވެ. މި މަސައްކަތުގެ އަގަކީ 3،499،540.20 ( ތިން މިލިއަން ހަތަރު ލައްކަ ނުވަދިހަ ނުވަހާސް ފައްސަތޭކަ ސާޅީސް ރުފިޔާ ވިހިލާރި އެވެ.
މި އެއްބަސްވުމުގެ ތެރެއިން ފުނަދޫ ފުޓްބޯޅަ ދަނޑަށް 2400 ކިއުބިކް މީޓަރުގެ ވެލި އެޅުމަށް ވަނީ ހަމަޖެހިފައެވެ. އަދި ސަބްބޭސް މަސައްކަތް ނިމޭއިރު ފެން ހިންދުމަށްޓަކައި ދަނޑު ވަށައިގެން ކާނު ވަޅުލެވިފައި ހުންނާނެއެވެ.
