އަންނަ ރައްޔިތުން މަޖިލީހުގެ އިންތިހާބަށް ސަރުކާރު ހިންގާ ޕާޓީން ނުކުން ބައެއް ކެންޑިޑޭޓުން ޕްރޮމޯޓްކޮށް މަސްދަޅު ދިނުމުން އެކަމާއި ގުޅިގެން ރައްޔިތުން މަޖިލީހުގެ ދާންދޫ ދާއިރާގެ މެމްބަރުން ޔައުގޫބް އަބްދުﷲ ކުރެއްވި ސުވާލަށް ޖަވާބު ދެއްވަމުން މިނިސްޓަރު ވިދާޅުވީ މެމްބަރުން ޔައުގޫބް މިފްކޯއަށް ވަޑައިގެންނެވުމުން ވެސް މަސްދަޅު ހަދިޔާއަށް ކުރައްވާނެކަމަށް ގަބޫލު ކުރައްވާ ކަމަށެވެ.
މިފްކޯއިން ސަރުކާރު ކެންޑިޑޭޓުންނަށް ހަދިޔާ ދީ ޕްރޮމޯޓްކުރަނީ
ސަރުކާރު ހިންގާ ކޯލިޝަން ޕީޕީއެމް/ ޕީއެންސީގެ ރައްޔިޔުން މަޖިލީހަށް ވާދަކުރާ ކެންޑިޑޭޓުންނަށް މިފްކޯއިން މަރުހަބާ ކިޔާ އެކުންފުނިން ދިޔައީ މިފްކޯގެ އުފެއްދުންތައް ހިމެނޭ ހަދިޔާ ޕެކެއް ވެސް ދެމުންނެވެ. އަދި މި މަންޒަރުތައް އެ ކުންފުނީގެ އެކްސްގައި ދިޔައީ ޕޯސްޓްކުރަމުންނެވެ. އެހެން ނަމަވެސް އާއްމުން ފާޑުކިޔަން ފެށުމުމް އެ ޕޯސްޓްތައް ވަނީ ޑިލީޓްކޮށްފައެވެ.
މިފްކޯއިން ކުރި ޕޯސްޓްތަކުގައި ވަނީ ކާށިދޫ ދާއިރާގެ ކެންޑިޑޭޓު މުންތަޒިމް އިބްރާހިމް، ގެމަނަފުށި ދާއިރާގެ ކެންޑިޑޭޓު އަސަދުﷲ ޝިހާބު، ހިންނަވަރު ދާއިރާގެ ކެންޑިޑޭޓު މުހައްމަދު އަބްދުއްރަހުމާން، ވިލިނގިލި ދާއިރާގެ ކެންޑިޑޭޓު ޔަޒްމީދު މުހައްމަދު، އަދި ކޮލަމާފުށި ދާއިރާގެ ކެންޑިޑޭޓު އިބްރާހީމް ދީދީ އެވެ.
