ޑޮލަރުގެ މައްސަލަ ދެތިން މަސްތެރޭ ހައްލުވާނެ: ސައީދު
މުހައްމަދު ނަބީލް
13 ފެބްރުއަރީ 2024 - 21:03:12
ރާއްޖެއަށް މިހާރު ދިމާވެފައިވާ ޑޮލަރުގެ މައްސަލަ ކުރިއަށް އޮތް ދެތިންމަސް ދުވަހުގެ ތެރޭގައި ހައްލުކުރެވޭނެ ކަމަށް އިކޮނޮމިކް މިނިސްޓަރު މުހައްމަދު ސައީދު ވިދާޅުވެއްޖެ އެވެ.
ދުބާއީގައި ބާއްވާ ރާއްޖޭގެ އިންވެސްޓްމަންޓް ފޯރަމް ފެށުމުގެ ކުރިން ނޫސްވެރިންނާ ބައްދަލު ކުރައްވައި ސައީދު ވިދާޅުވީ، ސޮވެރިން ޑިވެލޮޕްމަންޓު ފަންޑަށް ޖަމާކުރަމުންދިޔަ ފައިސާ ކުރީގެ ސަރުކާރުން ބޭނުންކުރުމަކީ ޑޮލަރުގެ މައްސަލަ ދިމާވާން މެދުވެރިވި އެންމެ ބޮޑު ސަބަބު ކަމަށެވެ.
"އެންމެ ބޮޑު އިޝޫއަކަށް މިއުޅެނީ ސޮވެރިން ޑިވެލޮޕްމަންޓު ފަންޑަށް ކުރިން ޖަމާކުރަން ފެށި ފައިސާތަކެއް ކުރިން ނިމިދިޔަ ސަރުކާރުން ހުސްކޮށްލުން. އޭގަހުރި ފައިސާވެސް ވަނީ ނަގާފަ. އެއީ އަޅުގަނޑުމެން ޑެޓް ރީޕޭމަންޓަށް ކަލެކްޓް ކުރަމުންދިޔަ ޑިޕޮސިޓުތަކެއް. އެހުސްކޮށްފަ ހުރީ." މިނިސްޓަރު ވިދާޅުވި އެވެ.
މީގެއިތުރުން ދުނިޔޭގެ ބާޒާރުގައި ތެލުގެ އަގަށް ބަދަލުތަކެއް އައުމާއި ޑޮލަރުގެ ކަޅު ބާޒާރަށް ވިޔަފާރިތައް ބަރޯސާވެފައިވުމަކީ ވެސް ޑޮލަރުގެ މައްސަލަ ކުރިތިވި ސަބަބެއް ކަމަށް މިނިސްޓަރު ވިދާޅުވި އެވެ.
"އެކަން އޯވާކާމްކޮށް އަޅުގަނޑުމެން ކުރިއަށް އޮތް ދެތިން ހަތަރު މަހެއްގެ ތެރޭގަ ޑޮލަރު މައްސަލަ ހައްލުކުރާނަން، އެއީ އަޅުގަނޑުމެންގެ އަމާޒަކީ." މިނިސްޓަރު ވިދާޅުވި އެވެ.
ރާއްޖޭގެ އިގްތިސޯދީ އަދި މާލީ ހާލަތާއި ދަރަނީގެ ހިރާސްތައް ކުޑަކޮށް، ބޭރު ފައިސާގެ ބާޒާރަށް ހެޔޮ ބަދަލުތައް ގެނައުމަށް، އެމްއެމްއޭ އަދި ބީއެމްއެލް ގުޅިގެން މަސައްކަތް ކުރަމުންދާ ކަމަށް ފިނޭންސް މިނިސްޓްރީން ވެސް ވަނީ ބުނެފަ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
100%
ވަރަށް ސަލާމް
ކޮމެންޓްސް
