ޒަކާތުގެ އެންމެ ހައްގުވެރިންނަށް ހައްގު ގޮތުގައި ޒަކާތުގެ ނަފާ ލިބިދެވޭނެ މަގު ހަމަޖެއްސުމަށްޓަކައި ޒަކާތު ހައުސްގެ ނަމުގައި "ޒަކާތުގެ ހައުސް" ގެ އިދާރާއެއް އުފެއްދެވީ މިއަހަރުގެ 2 ވަނަދުވަހުއެވެ.
މި އިދާރާއިން ފުރަތަމަ މަހު ފައިސާ ބެހި ގޮތުގައި ތާފާސް ހިސާބުތަކުން ދައްކާ ގޮތުން މިިދިޔަ މަހުގ 65 މީހަކަށް އެހީގެ ގޮތުގައި -/794،120.50 ރުފިޔާ ވަނީ ހަމަޖައްސާފައެވެ. މީގެތެރެއިން -/441،012 ރުފިޔާ ވަނީ ހަރަދުކޮށްފައެވެ.
އެއް ބަޔަކަށް އެންމެ ގިނައިން އެހީ ދީފައިވަނީ ކެންސަރު ބަލީގެ މީހުންނަށެވެ. އެ ބައްޔަށް އެހީގެ ގޮތުގައި ޒަކާތު ފަންޑުން ވަނީ -/207،748 ރުފިޔާ ދޫކޮށްފައެވެ. ދެން އެންމެ ގިނައިން ފައިސާ ދޫކޮށްފައިވަނީ ޓްރާންސްޕްލާޓް ކުރުމަށެވެ. މިކަމަށް -/76،329 ރުފިޔާ ވަނީ ދޫކޮށްފައެވެ.
އެހީ ހޯދައިވާ ބަލިތަކާއި ހޭދަވި އަދަދު
- ކެންސަރަށް -/207،748 ރުފިޔާ
- ހިތުގެ އޮޕަރޭޝަނަށް -/42،405 ރުފިޔާ
- ޓްރާންސްޕްލާންޓަށް -/76،329 ރުފިޔާ
- ސިކުންޑީގެ އޮޕަރޭޝަނަށް -/59،367 ރުފިޔާ
- އެހެނިހެން -/408،235.50 ރުފިޔާ
ހާއްސަ ހާލަތްތައް މެދުވެރިންގެން އެހީއަށް އެދި ހުށައެޅި 6 މީހަކަށް -/16،437.11 ރުފިޔާ ޒަކާތު ހައުސް އިން ދޫކޮށްފައިވާކަންވެސް އެ ހައުސްގެ ފުރަތަމަ މަހުގެ ހިސާބުތަކުން ދައްކައެވެ. މި ހަރަދުތަކުގެ އިތުރުން ދެން ހަރަދު ހިންގާފައިވަނީ އެ ހައުސްގެ މުވައްޒަފުންނަށް މުސާރަ ދިނުމަށާއި ދީނީ ޕްރޮގްރާމްތައް ހިންގާށެވެ.
ޒަކާތުގެ ހައުސް މުވައްޒަފުންގެ މުސާރައަށް -/172،050.59 ރުފިޔާ ދޫކޮށްފައިވެއެވެ. ދީނީ ޕްރޮގްރާމްތައް ހިންގަން ދޫކުރީ -/292،177.94 ރުފިޔާއެވެ.
