ގުރުއާނާ ބެހޭ މަރުކަޒުގެ ގޮތްޕެއް ހުޅުމާލޭގައި ހިންގުމަށް ކޮމާޝަލް ޔުނިޓެއް އެޗްޑީސީން ހަވާލުކޮށް އެކަމުގެ އެއްބަސްވުމުގައި މިއަދު ވަނީ ސޮއިކޮށްފަ އެވެ.
އެކަމުގެ އެއްބަސްވުމުގައި އެޗްޑީސީން ފަރާތުން ސޮއިކުރެއްވީ އެ ކޯޕަރޭޝަންގެ މެނޭޖިން ޑިރެކްޓަރު އިބްރާހިމް ފަޒުލް ރަޝީދާއި ސީއެފްއޯ އަހްމަދު ޝާމެވެ. އަދި ގުރުއާނާބެހޭ މަރުކަޒުގެ ފަރާތުން ސޮއިކުރެއްވީ އިމާމު އަބްދުލް ޖަލީލް އިސްމާއީލް އާއި އިމާމު އަބްދުﷲ ރަޝީދެވެ.
އެޗްޑީސީން ބުނި ގޮތުގައި ގުރުއާނާ ބެހޭ މަރުކަޒުގެ ހިދުމަތް އިތުރަށް ފުޅާކުރުމަށް އެ މަރުކަޒަށް ފަސް އަހަރަށް ކޮމާޝަލް ޔުނިޓެއް ދީފައި ވަނީ އެ ކުންފުނީގެ ސީއެސްއާރުގެ ދަށުން ހިލޭ ކަމުގަ އެވެ.
މީގެއިތުރުން އެޗްޑީސީން ބުނީ ހުޅުމާލޭގައި ގުރުއާނާ ބެހޭ މަރުކަޒުގެ ގޮފި ގާއިމްކުރާއެކު ހުޅުމާލޭގެ ރައްޔިތުންނަށް އެ މަރުކަޒުގެ ހިދުމަތް ހޯދަން އިތުރަށް ފަސޭހަ ވެގެންދާނެ ކަމަށެވެ.
