ރޭ ކުޅުނު ފައިނަލް މެޗުގައި، މަޝްހޫރު ގިނަ ކުޅުންތެރިންތަކެއް ނިސްބަތްވާ އޭދަފުށި ބަލޮކޮށް ޒޯން ތިނެއްގެ ޗެމްޕިއަންކަން ގާފަރުން ހޯދީ ޕެނަލްޓީގައި 6-4 ގެ ނަތީޖާއަކުން ކުރިހޯދައިގެންނެވެ. މި މެޗުގެ ފުރިހަމަ ވަގުތު ހަމަވީ 1-1 ގެ ނަތީޖާއަކުން ދެ ޓީމު އެއްވަރުވެގެންނެވެ.

މި މެޗުގެ 11 ވަނަ މިނެޓުގައި އޭދަފުށީގެ އަލީ ފާސިރު (ސެންޓޭ) ޖެހި ގޯލުން އެ ޓީމު ލީޑު ނެގި އެވެ. އެކަމަކު މެޗުގެ 16 ވަނަ މިނެޓުގައި ގާފަރުގެ އިބްރާހީމް ރިމާހު ގޯލު ޖަހާ ނަތީޖާ ހަމަހަމަކުރި އެވެ. މި މެޗުގެ ޕެނަލްޓީ ޝޫޓްއައުޓްގައި ގާފަރުން އެ ޓީމުގެ ކެޕްޓަން ފައްޔާޒް ފަޔާޒްގެ ބަދަލުގައި ގޯލު ބެލެހެއްޓީ މުހައްމަދު ޝަމްއާން އެވެ. އޭނާ ވަނީ ޕެނަލްޓީގައި ދެ ޕެނަލްޓީ ދިފާއު ކޮށްފަ އެވެ.