ރައީސް އޮފީހުން ގެނެސްދޭ "ރައީސްގެ ޖަވާބު" ގައި ރައީސް މިހެން ވިދާޅުވީ ނ. މަނަދޫ ކައުންސިލު އިދާރާގެ މުވައްޒަފަކު ކުރި ސުވާލެއްގަ އެވެ.
ނ. މަނަދޫ ހޭޅި، ގާޒާ އަބްދުލްގަފޫރު ވަނީ ލޯކަލް ކައުންސިލްތަކުގެ އިދާރީ މުވައްޒަފުންގެ މުސާރައާއި އިނާޔަތްތަކާ ގުޅޭގޮތުން ސުވާލުކޮށްފައެވެ. އެގޮތުން، އެފަދަ މުވައްޒަފުން އިތުރު ތަޢުލީމު ހާސިލް ކުރި ނަމަވެސް މުސާރައިގެ ކުރިއެރުމެއް ނުލިބޭ ކަމަށާއި އެކަން ހައްލު ކުރުމަށް ސަރުކާރުގެ ސިޔާސަތުތަކާ ގުޅޭގޮތުން ސުވާލު ކުރިއެވެ.
މިސުވާލަށް ޖަވާބުދެއްވަމުން ރައީސް ވިދާޅުވީ މަޖިލީހުން ކައުންސިލްތައް ކެޓަގަރައިޒް ކޮށްފައިވަނީ ދަށްފަންތީގައި ކަމަށާއި އޭގެ ސަބަބުން މައްސަލަތައް ދިމާވާ ކަމަށެވެ. އަދި ގާނޫނީ މައްސަލަތައް ހުރުމުން ސިވިލް ސަރވިސް ކޮމިޝަނާއި ލޯކަލް ގަވަރމަންޓް އޮތޯރިޓީގެ މެދުގައިވެސް ހިޔާލު ތަފާތުވުންތައް ހުރިކަން ރައީސް ފާހަގަކުރެއްވިއެވެ.
ރައީސް ވިދާޅުވީ ގާނޫނުގެ ބައެއް މާއްދާތަކަށް އިސްލާހު ގެންނަން ޖެހޭ ކަމަށާއި އެކަން ކުރުމަށް މަޖިލީހުގެ ތެރެއިން މަސައްކަތް ކުރައްވާނެ ކަމަށެވެ.
