އުނގޫފާރު ހޯސްޕިޓަލް ޓަރޝަރީ ފެންވަރަށް ގެނައުމުގެ މަސައްކަތް ފެށި މިދިޔަ ސަރުކާރުންނެވެ. އެގޮތުން އެކަމަށް ބޭނުންވާ އައު އިމާރާތުގެ މަސައްކަތް ނިންމާ ބޭނުންކުރަން ފެށީ 2022 ވަނަ އަހަރުގެ ފަހުކޮޅުއެވެ. ޢިމާރާތުގެ ޓެރަހުގައި 310 ކިލޯ ވޮޓްގެ ސޯލާޕެނަލް ހަރުކޮށްފައިވާ މި އިމާރާތަކީ ދެ ފަންގިފިލާގެ އިމާރާތެކެވެ.
ރައީސް ޑރ. މުއިއްޒު މެދު ރާއްޖެތެރެއަށް ކުރައްވާ ދަތުރުފުޅުގެ ތެރެއިން މިއަދު އުނގޫފާރަށް ވަޑައިގެން އެރަށު ރައްޔިތުންނާއި އެކި ބޭއްވި ބައްދަލުވުމުގަައި ވާހަކަފުޅު ދައްކަވަމުން ވަޒީރު ހަލީލް ވިދާޅުވީ ރައީސްގެ ވިސްނުންފުޅު ހުރީ އުނގޫފާރު ހޮސްޕިޓަލް ޓާޝަރީ ފެންވަރަށް ތަރައްގީކުރުމަށެވެ. އެ ގޮތުން ހޮސްޕިޓަލުން ދޭ ހިމަތާއި އެއްވަރަށް އިންސާނީ ވަސީލަތްތައްވެސް އިތުރުކުރާނެކަމަށެވެ.
ސިއްހަތާއި ބެހޭ ވަޒީރު ޑރ. އަބްދުﷲ ހަލީލް
އެމްއާރުއައިގެ ހިދުމަތް ހޯދަން އޮންނަ ކިޔު ދިގުކުން ފާހަގަކުރައްވަމުން ހަލީލް ވިދާޅުވީ ރޯދައިގެން ފަހުން އުނގޫފާރު ހޮސްޕިޓަލްގައި އެ ހިދުމަތް ފަށާނެކަމަށެވެ. އޭރު އެމްއާރުއައި ހިދުމަތް ހޯދަން މާލޭގައި ކިޔު ނުޖެހި އަތޮޅުތަކުންވެސް އެ ހިދުމަތް ލިބިގެންދާނެކަމަށެވެ.
އުނގޫފާރު ހޮސްޕިޓަލަށް އަލަށް އެތެރެކުރި ބައި
އުނގޫފާރު ހޮސްޕިޓަލަށް ތަރައްޤީކުރަން ކުރަން ކުރާ މަސައްކަތުގެ ދަށުން މިދިިޔަ އެ ހޮސްޕިޓަލްގައިވަނީ ހިތުގެ ބަލިތަކުގެ ޚާއްސަ ފަރުވާ ދޭން ފަށާފައެވެ.
ރައީސް އިބްރާހިމް މުހައްމަދު ސާލިހްގެ ދައުރުގައި އުނގޫފާރު ހޮސްޕިޓަލްގައި އަލަށް ފަށާފައިވާ ހިދުމަތްތަކުގެ ތެރޭގައި މެމޯގްރަފީގެ ހިދުމަތާއި، ސީޓީ ސްކޭންގެ ހިދުމަތް ހިމެނެއެވެ. އޭގެއިތުރުން ދަތުގެ ފަރުވާ އާއި އީއެންޓީގެ ހިދުމަތް ޒަމާނީ ވަސީލަތްތަކާއެކު ވަނީ ފުޅާކޮށްފައެވެ.
