ރައީސްއާއެކު މިއަދު ކ. ގުރައިދޫއަށް ވަޑައިގެން އެރަށުގެ ރައްޔިތުންނާ ބައްދަލުކުރައްވާ ވާހަކަ ދައްކަވަމުން އަބްދުއްރަހީމް ވިދާޅުވީ، ސަރުކާރު އައިތާ ތިން މަސް ނުވަނީސް ސަރުކާރާ ދެކޮޅަށް ބަޔަކު ނުކުމެ ފިތުނަ އުފައްދަން ފަށާފައިވާ ކަމަށެވެ.

އޭނާ ވިދާޅުވީ، ސިޔާސީ ގޮތުން ހިޔާލުތަފާތުވުމަކީ ދޮގު ވާހަކަ ފަތުރައިގެން މީހުންގެ ޒާތާ ބެހެން ޖެހޭ ކަމެއް ނޫން ކަމަށެވެ.

އަދުރޭ ވިދާޅުވީ މިހާ ތަނަވަސް އަގުލަބިއްޔަތަކުން ރައީސް ވެރިކަމަށް ގެނައުމުން ވެސް ގްރޫޕް ހަދައިގެން ކުރާ ސައްލާއަށް ރައްޔިތުން އިޖާބަ ނުދޭނެ ކަމަށެވެ. މި ސަރުކާރުން އައީ ދިވެހީންގެ ރާއްޖެ ދިވެހިންނަށް ހޯދައިދޭން ކަމަށާއި، ކޮންމެ ބަޔަކު ހިތްދަތިވި ނަމަވެސް، ރާއްޖެ ވެއްޓިފައިވާ އަނދަވަޅުން އަރައިގަނެވޭނީ ރައީސަށް 10 އަހަރު ވެރިކަން ކުރުމުގެ ފުރުސަތު ދީގެން ކަމަށެވެ.
 

މީގެ އިތުރުން، އޭނާ ވަނީ އޭޕްރީލް މަހު އޮންނަ 20 ވަނަ ރައްޔިތުންގެ މަޖިލީހުގެ އިންތިހާބުގައި ވެސް ސަރުކާރަށް ތާއީދުކުރައްވާ ކެންޑިޑޭޓުންނަށް ވޯޓުދޭން އެދިވަޑައިގެންފަ އެވެ. ސަރުކާރުން ކުރަން ވައުދުވާ ކަންކަން ކުރެވޭނީ މަޖިލީހުގެ އެއްބާރުލުން ލިބިގެން ކަމަށް އޭނާ ވިދާޅުވި އެވެ.