ރައީސް މިކަން އިއުލާންކުރެއްވީ ރައްޔިތުން މަޖިލީހުގެ އިންތިހާބަށް މިހާރު ކުރަމުން އަންނަ ކެމްޕެއިންގެ ތެރެއިން ރޭ ހުޅުމާލޭގައި ބޭއްވި ޖަލްސާއެއްގައި ވާހަކަދައްވަމުންނެވެ.
ރައީސް މުއިއްޒު ވިދާޅުވީ ވެމްކޯއަކީވެސް މިދިޔަ ސަރުކާރު ނިނުމުނުއިރު ވަރަށް ހާލުގައި އޮތް ކުންފުންޏެއްކަމަށާއި އެތަން ހަރުދަނާކުރުމަށް އެކުންފުނިން ވަރަށް މަސައްކަތް ކުރަމުން އަންނަކަމެވެ. އަދި އެ މަސައްކަތް ކުރަމުން އަންނައިރުވެސް އަދިވެސް އިތުރު ލުއިތައް ރައްޔިތުންނަށް ދިނުމަށް މަސައްކަތް ކުރަމުން އަންނަކަން ރައީސް ފާހަގަކުރެއްވިއެވެ.
ރައްޔިތުންގެ މަޖިލީހުގެ ތ.ގުރައިދޫ ދާއިރާއަށް ވާދަކުރާ ސަރުކާރު ކެންޑިޑޭޓް، ހަނާން މުޙައްމަދު ރަޝީދުގެ ކެމްޕައިން ޖަލްސާގައި ޑރ. މުއިއްޒު ވާހަކަ ދައްކަވަނީ
ރައީސް މުއިއްޒު ވިދާޅުވީ މިކަން ނިންމިކަން އެމަނިކުފާނު އިއުލާންކުރެއްވި ނަމަވެސް އެ ނިންމުމަށް އަމަލުކުރަން ފަށާނެ ތާރީހު އިއުލާންކުރާނީ ވެމްކޯއިންކަމަށެވެ.
މާލެ ސަރަހައްދުގައި ކުނި އުކާ ވޭސްޓް ޓްރާންސްފަރ ސްޓޭޝަންތަކުން އާންމުންގެ އުޅަނދުތަކުން އުކާ ކުނި ޓަނެއްގެ އަގު 750 ރުފިޔާއަށް ކުޑަކުރީ މިދިޔަ މާރިޗު މަހުގެ އެއްވަނަ ދުވަހުއެވެ. އޭގެ ކުރިން ޓަނަކަށް ނަގަމުން އައީ 1060 ރުފިޔާއެވެ. މީގެއިތުރުން ކޮންމެ އުޅަނދަކަށް ހިދުމަތުގެ އަގެއްގެ ގޮތުގައި ވަންނަ ކޮންމެ ފަހަރަކު، 150 ރުފިޔާގެ ފީއެއްވެސް ވެމްކޯއިން އަންނަނީ ނަގަމުންނެވެ.
