މަޖިލީހުގައި ސަރުކާރުގެ ފަރާތުން ވާދަކުރާ ކެންޑިޑޭޓެއްގެ ކެމްޕެއިން ޖަލްސާގައި ރޭ ވާހަކަދައްކަވަމުން ޑރ މުއިއްޒު ވަނީ ރޯދަމަހުގެ ފަހު 10 އެއްގައި ކެމްޕެއިން ކުރާތީ ސަރުކާރު ކޯލިޝަންގެ ކެމްޕެއިން ޓީމުތަކަށް ޝުކުރު އަދާކުރައްވާފައެވެ. އަދި ފަހު ދިހައެއްގައި އެ ކުރާ މަސައްކަތަކީ ދީނަށްޓަކައި ކުރާ މަސައްކަތެއްކަމަށްވެސް ރައީސް މުއިއްޒު ވަނީ ސިފަކުރައްވާފަ އެވެ.
ރޯދަމަހުގެ ކޮންމެ ރެޔަކުން ހެން ރައީސް ޑރ. މުއިއްޒުވެސް ގެންދަވަނީ ކެމްޕެއިން ޖަލްސާތަކުގައި ބައިވެރިވެޑައިގެން އެކި ފަރާތްތަކަށް ފާޑު ވިދާޅުވަމުންނެވެ. ރައީސް މުއިއްޒު ވިދާޅުވީ ރިޔާސީ އިންތިހާބުގައި އެމަނިކުފާނަށް ރާއްޖޭގެ ވެރިކަން ދޭން ނިންމި ނިންމުން ފުރިހަމަވާނީ މަޖިލީހުގެ ފުރިހަމަ އަގްލަބިިއްޔަތުވެސް ދިނުންމުންކަމަށެވެ.
މި ސަރުކާރުން ވަނީ ރޯދަމަހުގެ ފަހު 10 އެއް ރަސްމީކޮށް ބަންދުކޮށްފައެވެ. ރައީސް މުއިއްޒު ވިދާޅުވީ ފަހު 10 އެއް ބަންދުކުރީ ރޭ އަޅުކަން ކުރުމަށް ފުރުސަތު ދީ އެކަމަށް ހިއްވަރު ދެއްވުމުގެ ގޮތުންކަމަށެވެ.