މިއީ މިހާތަނަށް މާލެ ސަރަހައްދަށް އެންމެ ހޫނުވި ދުވަހެވެ. މެޓުން އާންމުކުރި ތަފާސް ހިސާބުތަކަށް ބަލާއިރު މިއަހަރު އެންމެ ހޫނުގަދަ ކަމަށް ދައްކާފައިވަނީ މިމަހު 3 ވަނަ ދުވަހުގައެވެ. އެދުވަހު މާލޭގެ އިހްސާސްކުރެވޭ ހޫނުމިން ހުރީ 46 ޑިގްރީ ސެލްސިއަސް ވަނީ އަރާފައެވެ. އެހެންނަމަވެސް މިއަދަދު މައްޗަށް ގޮސް މިއަދު މިވަނީ ރިކޯޑް މިންވަރަށް ހޫނުގަދަވެފަ އެވެ.
ކުރިޔަށް އޮތް ތަނުގައި ވެސް ހޫނު މިން 45 ޑިގްރި ސެލްސިއަސް އަށް ވުރެ މައްޗަށް އަރާނެކަމަށް ލަފާކުރެވޭ ކަމަށް މެޓް އޮފީހުން ބުންޏެވެ.
އެހެންވެ ގަދަ ހޫނުން ރައްކާތެރިވުމަށްޓަކައި އަޅަން ޖެހޭ ފިޔަވަޅުތައް އެޅުމަށް މެޓް އޮފީހުން އިލްތިމާސް ކުރި އެވެ.
މި އަހަރަކީ "އެލްނީނޯ" އަހަރެއް ކަމަށް ވުމުން ހޫނުމިން އިތުރަށް މަތިވުމުގެ ފުރުސަތު އޮތްކަން ދުނިޔޭގެ މޫސުމާ ބެހޭ ޖަމިއްޔާއިން ލަފާކުރާކަމަށް މެޓްއިން ވަނީ މީގެކުރިން ވިދާޅުވެފަ އެވެ.
