އެމަނިކުފާނު މިހެން ވިދާޅުވީ ރައްޔިތުން މަޖިލީހުގެ ކެމްޕެއިނަށް ތ. ތިމަރަފުށީގައި ބޭއްވި ޖަލްސާއެއްގައި ވާހަކަ ދައްކަވަމުންނެވެ.
ރައީސް ސާލިހް ވިދާޅުވީ އަމިއްލަ ޕާޓީގެ އުސޫލަތަކާއި ހަމަތައް ނުހިފަހައްޓަވާ ބޭފުޅަކު އަމަލު ކުރައްވާނެ ގާނޫނެއް ނޯންނާނެކަމަށެވެ. އަދި އަމިއްލަ ޕާޓީގެ މެމްބަރުން ނިންމި ނިންމުންވެސް ރައީސް މުއިއްޒަށް ގަބޫލު ނުކުރައްވާކަމަށް ރައީސް ސާލިހް ވިދާޅުވިއެވެ.
ރައީސް ސާލިހް ވިދާޅުވީ މިއަދު ވެރިކަމުގައި ތިއްބެވި ފަރާތްތައް ވެރިކަމަށް އައީ ދޮގު ހަދާ އޮޅުވާލަައިގެންކަމަށާއި އެންމެ މިހާރު އެކަން ގަބޫލުުކުރާ ކަމަށެވެ. އަދި މިއަދުވެސް ސަރުކާރުން ދަނީ އެ ދޮގުތައް ހަދަމުންކަމަށްވެސް އެމަނިކުފާނު ވިދާޅުވި އެވެ.
ރައިސް ސާލިހް ވީދާޅުވީ މި ސަބަބުތަކަށްޓަކައި ސަރުކާރު ޖަވާބުދާރީކުރުވަން އެކަމަށް ރަނގަޅު ގާބިލު މީހުން މަޖިލީހަށް ހޮވަންޖެހޭކަމަށެވެ. އަދި ސަރުކާރުން ހަދަމުންދާ ދޮގުތަކަށް މަޖިލީހުން ފިޔަވަޅު އަޅަންޖެހޭކަމަށްވެސް އެމަނިކުފާނު ވިދާޅުވި އެވެ.
