އެފްޑީސީން ބޭއްވި ހަރަކާތް ޝަރަފުވެރިކޮށްދެއްވީ މޯލްޑިވްސް އެއަރޕޯޓްސް ކޮމްޕެނީ ލިމިޓެޑް، އެމްއޭސީއެލްގެ ޖެނެރަލް މެނޭޖަރ، އޮޕަރޭޝަނަލް ސޭފްޓީ އެންޑް ހެލްތް މެނޭޖްމަންޓް މުޙައްމަދު އަބްދުﷲ އެވެ.
މި ހަރަކާތުގައި އެމްއޭސީއެލް، އެޗްޑީސީ، އެމްއެންޑީއެފް ފަދަ، ސަލާމަތާ ރައްކާތެރިކަން ކަށަވަރުކުރުމަށް މަސައްކަތްތައް ކުރާ އިދާރާތަކުން ބައިވެރިވި އެވެ.
މި ރަސްމިއްޔާތުގައި ވާހަކަދައްކަވަމުން، ފަހި ދިރިއުޅުން ކޯޕަރޭޝަނުގެ މެނޭޖިން ޑިރެކްޓަރ، ހަމްދާން ޝަކީލް ވިދާޅުވީ، މަސައްކަތުގެ މާހައުލުގައި ސަލާމަތާއި ރައްކާތެރިކަން ދެމެހެއްޓުމަށްޓަކައި އަޅަންޖެހޭ ފިޔަވަޅުތަކަށް މުހިއްމު އިސްކަމެއް ދޭ ކަމަށެވެ.
އިމާރާތްކުރުމުގެ މަސައްކަތްތައް ޒިންމާދާރުކަމާއި، ރައްކާތެރިކަމުގެ މިންގަނޑުތަކާއި އެއްގޮތްވާގޮތުންގެ މަތިން ކުރިއަށް ގެންދިއުމަށްޓަކައި ހަރުދަނާ ނިޒާމުތަކާއި، އިޖުރާއަތްތައް އެފްޑީސީން ތަންފީޒުކުރަމުންދާ ކަމަށް ހަމްދާން ވިދާޅުވި އެވެ.
މިއަހަރުގެ ބައިނަލްއަޤްވާމީ ރައްކާތެރިކަމުގެ ދުވަހުގެ ޝިއާރަކީ "މޫސުމީ ގޮންޖެހުންތަކާއެކުވެސް މަސައްކަތްތެރިންގެ ރައްކާތެރިކަން ކަށަވަރުކުރުން" އެވެ.
އެފްޑީސީގެ ބެލުމުގެދަށުން ބޮޑެތި ހައުސިން މަޝްރޫޢުތައް ކުރިއަށްގެންދާއިރު، ގިނަ އަދަދެއްގެ ލޭބަރުން މަސައްކަތްކުރަމުން އާދެއެވެ.
