މި މަހު 31 ގައި ބޮޑު ސްކްރީންތަކަށް އަންނަ މި ފިލްމަކީ މި ދެތަރިން އެކުގައި ފެންނަ ދެވަނަ ފިލްމެވެ. މީ ރޮމޭންޓިކް ސްޕޯޓްސް ޑްރާމާއެކެވެ.
މި ފިލްމުގައި މި ދެތަރިންވެސް ފެނިގެންދާނީ ކްރިކެޓް ކުޅުންތެރިންގެ ގޮތުގައެވެ. ކަރަން ޖޯހަރްގެ ދަރުމާ ޕްރޮޑަކްޝަނުން އުފައްދާ މި ފިލްމުގެ ޓެގް ލައިނަކީ "އޭން އިމްޕާފެކްޓަލީ ޕާފެކްޓް ޕާޓަނިޝިޕް"އެވެ. މި ފިލްމު ޑައިރެކްޓަރަކީ ޝަރަން ޝަރުމާއެވެ.
ރާޖްކުމާރު ރާއޯ އާއި ޖާންވީ ކަޕޫރް އެކުގައި ފުރަތަމަ ފެނިގެން ދިޔައީ 2021ގައި ރިލީޒްކުރި ހޮރޯ-ކޮމެޑީ "ރޫހީ" އިންނެވެ.
ޖަންވީއާއި ރާޖުގެ ފިލްމް މިސްޓަރ އެންޑް މިސް މާހީގެ ޕޯސްޓަރެއް
މި ދެތަރިންގެެ އެކުގައި ފެންނަ މި ފިލްމުގެ އިތުރުން މި ދެ ތަރިންގެ އެެހެން ބައެއް ފިލްމުތައްވެސް ހުރީ ސިނަމާތަކަށްް އަންނަ ލިސްޓުގައެވެ. އޭގެތެރޭގައި ރާޖުކުމާރު ރާއޯގެ "ސްރީކާންތު" ހިމެނެއެވެ. ބައޮގްރަފިކަލް މި ޑްރާމާ ސްކްރިންތަކަށްް އަންނަނީ ހުކުރު ދުވަހުއެވެ.
ޖާންވީގެ ވެސް ފިލްމެއް މި މަހު ރިލީޒްކުރަން އޮތީ ހަމަޖެހިފައެވެ. އެއީ "ސާވީ: އަ ބްލަޑީ ހައުސްވައިފް" އެވެ. ޖާންވީގެ ބޮޑު ބޭބެ އަނިލް ކަޕޫރު އުފެއްދި މި ފިލްމު ސިނަމާތަކަށް އަންނާނީ މިމަހުގެ އެންމެ ފަހު ދުވަހުއެވެ.
