ބިދޭސީންގެ މައްސަލަ ހައްލުކުރުމަށް ގައުމީ ހަރަކާތެެއްގައި ގޮތުގައި އޮޕަރޭޝަން "ކުރަނގި" ފެށީ މިމަހުގެ 2 ވަނަދުވަހު ހިންމަފުށީގައެވެ.
މިއޮޕަރޭޗަންގެ އެންމެ ފަހުގެ ހިސާބުތައް އާއްމުކުރައްވަމުން ދާހިލީ ވަޒީރު އިހްސާން ވިދާޅުވީ ހިންމަފުށީގެ ފެށި މި މަސައްކަތުގައި ދަށުން އެރަށުގައި މަސައްކަތް ކުރަމުންދާ 532 ބިދޭސީ މަސައްކަތްތެރިންގެ ބަޔޮމެޓްރިކް ޑާޓާ ނަގާފއިވާކަމަށެވެ. ބަޔޮމެޓްރިކް ޑާޓާގެ ގޮތުގައި ނަގަމުން އަންނަނީ 10 އިނގިލީގެ ނިޝާން އަދި ފޭޝަލް ރެކޮގްނިޝަން ހެދޭވަރު ފޮޓޯއެކެވެ.
ބިދޭސީން ގަވައިދަށް ފެއްތުމަށް މަސައްކަތް މިމަހު ފަށާފއިވާއިރު އެ މަސައްކަތް އެއްފަހަރާ ރާއްޖޭގެ ހުރިހާ ރަށެއްގައި މަހެއްހާ ދުވަހުގެ ތެރޭގައި ފަށާނެކަމަށާއި އެ މަސައްކަތް ކުރިޔަށް ގެންދާނީ ފުލުހުންނާއި ކައުންސިލްތަކާއި ގުޅިގެންކަމަށް އިހްސާން ވަނީ ވިދާޅުވެފައެވެ.
ގަވައިދާ ހިލާފަށް އުޅޭ ބިދޭސީންގެ މައްސަލަ 3 އަހަރުގެ ތެރޭގައި ހައްލުކުރައްވާނެކަމަށް ދާހިލީ ވަޒީރު އަލީ އިހްސާން ވަނީ ވިދާޅުވެފައެވެ.
ބިދޭސީންގެ އިނގިލީގެ ނިޝާން ނެގުމަށްފަހު ގަވައިދާ ހިލާފަށް އުޅޭ ބިދޭސީން ގަވައިދަށް ފެއްތުމަށް ފަސޭހަ އިންތިޒާމުތަކެެއް ހަމަޖައްސަވާނެކަމަށް އިހްސާން ވަނީ ވިދާޅުވެފައެވެ. އަދި އެއްވެސް އައިޑެންޓީއެއް ނެތް މީހުން އެމީހުންގެ ގައުމަތަކާއި ގުޅި ޓްރެވަލް ޑޮކިއުމެންޓް ހަދާ އެމީހުން ފޮނުވާލާނެކަމަށް ވަޒީރު އިހްސާން ވިދާޅުވިއެވެ.
