އޭނާގެ 11 ވަނަ ސްޓޫޑިއޯ އަލްބަމް ކަމަށްވާ "ދަ ޓޯޗާޑް ޕޮއެޓްސް ޑިޕާޓްމަންޓް" ރިލީޒްކުރުމާ އެކު އަލުން ލޯންޗްކުރި ވޯލްޑް ޓުއާގައި ސްވިފްޓް ވަނީ ޝޯގެ ޔޫރަޕިއަން ލެގަށް އާ ކޮސްޓިއުމްތަކާއި މުޅިން އާ ސެޓްލިސްޓެއް ގެނައުމުގެ އިތުރުން ބޮޑެތި ބަދަލުތަކެއް ގެނެސްފަ އެވެ.
މެޓީ ހީލީއަށް ހާއްސަ ކަމަށް ފޭނުން ގަބޫލުކުރާ ޓީޓީޕީޑީ- ދަ ސްމޯޓެސްޓް މޭން ހޫ އެވާ ލިވްގެ ދާދި ފަހުން ރިލީޒްކުރި ޓްރެކްގެ ޕާފޯމަންސްގައި ޓެއިލާ ވަނީ ޝައުގުވެރި ކޮރިއޯގްރަފީއެއް ގެނެސްދީފަ އެވެ.
ޕާފޯމަންސްގެ ތެރެއިން ސްވިފްޓް ސްޓޭޖުމަތިން ހިނގާލާފައި ގޮސް ނިމުނީ ސެލިއުޓަކުންނެވެ. ޕާފޯމަންސްގެ ތެރެއިން ޓެއިލާ ހިނގާލާފައި ގޮސް ސެލިއުޓުކުރީ ހީލީގެ "ލަވް އިޓް އިފް އިފް ވީ މޭޑް އިޓް" އާ އެއްގޮތަށެވެ.
1975 ވަނަ އަހަރު "ލަވް އިޓް އިފް ވީ މޭޑް އިޓް" ހުށަހަޅައިދިން އިރު ވެސް އެފަދަ ހިނގާލުމަކާއި ސެލިއުޓެއް ވަނީ ކުރިއަށް ގެންގޮސްފައިވެ އެވެ.
ފޭނުން ދަނީ ޓިކްޓޮކްގައި ކޮމްޕެރިޝަން ވީޑިއޯއަކާ އެކު މި ދެ ޕާފޯމަންސް އެއްގޮތް ގޮތްތަކެއް ދައްކުވައިދޭން ފަށައިފަ އެވެ.
ޓެއިލާގެ މި ޕާފޯމަންސްއަކީ ހީލީ އަށް ހާއްސަ ޕާފޯމަންސްއެއްކަން ރަސްމީކޮށް ކަށަވަރު ވެފައި ނުވި ނަމަވެސް ފޭނުން ވަނީ ވީޑިއޯ ޝެއާ ކުރާ ޕްލެޓްފޯމްތަކުގައި އެކަކު އަނެކަކުގެ އޮބްޒަވޭޝަންތައް ކަށަވަރުކުރަން ފަށައިފަ އެވެ.
