ވިލިމާލޭގެ ބައެއް މަގުތަކާއި ޕޭމަންޓުތަކުގެ އާބާތުރަ ނުފިލުވާތާ އަހަރުތަކެއް ވެފައިވާއިރު އެކަމުގެ ޝަކުވާ އެރަށު ރައްޔިތުން އަންނަނީ ކުރަމުންކަމަށާއި، މި މަސައްކަތާއި ހަވާލުވެގެން އުލޭ ސިޓީ ކައުންސިލުން ބުނެފައިވަނީ، މި މަސައްކަތަކީ އެއްވެސް ހަރަދެއް ހިނގާނެ މަސައްކަތެއް ނޫންކަމަށެވެ.
ސިޓީ ކައުންސިލުން ބުނީ، ވިލިމާލޭގެ މަގުތަކުގެ އާބާތުރަ ފިލުވުމުގެ މަސައްކަތުގައި އުޅޭނީ އެ ކައުންސިލުގެ މުވައްޒަފުންކަމަށާއި އެ މަސައްކަތުގައި ބޭނުންކުރެވޭ ގަލަކީ އެ ކައުންސިލުގައި މިވަގުތު ހުރި ގާތަކެއް ކަމަށެވެ.
މި މަސައްކަތުގެ ތެރެއިން ވިލިމާލޭގެ ގޮނޑުވެފައިވާ ބިންތައް ސާފުކޮށް މަރާމާތު ކުރުމުގެ މަސައްކަތް ކުރިޔައް ގެންދާ ކަމަށްވެސް ކައުންސިލުން ވަނީ ބުނެފަ އެވެ،
ވިލިމާލޭގެ މަގުތައް ޒަމާނީ ފެންވަރަށް ތަރައްގީކުރުމަކީ މި ސަރުކާރުގެ އަމާޒެކެވެ. ވިލިމާލޭގެ މަގުތައް ޒަމާނީ ފެންވަރަށް ތަރައްގީކުރުމުގެ މަޝްރޫއު މިހާރު ވަނީ އާރުޑީސީއާއި ހަވާލުކުރެވިފަކަމަށާއި އެ މަޝްރޫއު ފެށުމައްޓަކައި ހަދަންޖެހޭ ސާވޭތައް ހެދުމުގެ މަސައްކަތް މިހާރު ކުރިއައްދާކަމަށް ކައުންސިލުން ބުނެ އެވެ.
