ޓީޓީއެޗުން ބުނީ މި ހަރަކާތް ބާއްވާފައި ވަނީ މިދިޔަ ހުކުރު ދުވަހުގެ ހަވީރު 4:00 އިން ފެށިގެން 6:00 އަށް ހުޅުމާލެ ރުއްގަނޑު ދޭއް ސަރަހައްދުގައި ކަމަށެވެ. މި ކުޑަކުދިންގެ ހަވީރުގައި ގިނަ އަދަދެއްގެ ކުޑަކުދިންނާއި އާއިލާތައް ބައިވެރިވި ކަމަށް ޓީޓީއެޗުން ބުނެ އެވެ.
ކުޑަކުދިންގެ ހަވީރުގައި ކުރިއަށް ގެންގޮސްފައިވާ ހަރަކާތްތައް:
- ކުޑަކުދިންނަށް ހާއްސަ ސިއްހީ ހޭލުންތެރިކަމުގެ މައުލޫމާތު ފޯރުކޮށްދިނުން
ކުޑަކުދިންނަށް ހާއްސަ ބޭސިކް މެޑިކަލް ޗެކްއަޕް (ބީއެމްއައި ބެލުން، ދަތްތައް ޗެކްކުރުން އަދި ހަށިގަނޑުގެ ވައިޓަލްސް ބެލުން)
ކުޑަކުދިންނަށް ހާއްސަ ކުޅިވަރުތައް
ޓްރީ ޓޮޕުން ބޭއްވި ކުޑަކުދިންގެ ހަވީރަށް ބޮޑު ތަރުހީބެއް ލިބިފައިވާ ކަމަށް ވަނީ ބުނެފައި - ފޮޓޯ:ޓީޓީއެޗް
މި ހަވީރުގައި ބައިވެރިވި ފަރާތްތަކުގެ މެދުގައި ހާއްސަ ލަކީޑްރޯއެއް ވަނީ ނަގާފަ އެވެ. މި ލަކީޑްރޯއިން އެއްވަނައަށް ހޮވުނު ފަރާތަށް ޓްރީޓޮޕް ހޮސްޕިޓަލުގެ ކުޑަކުދިންގެ ސްކްރީނިން ޕެކޭޖް "ވެލް ޗައިލްޑް ޕެކް" ހިލޭ ވަނީ ހަދިޔާކޮށްފަ އެވެ. ދެވަނައަށް ހޮވުނު ފަރާތަށް އެ ހޮސްޕިޓަލުގެ ކުޑަކުދިންގެ ސްކްރީނިންގް ޕެކޭޖް "ވެލް ޗައިލްޑް ޕެކް" އިން 25 އިންސައްތައިގެ ޑިސްކައުންޓެއް ވަނީ ދީފަ އެވެ. އަދި ތިންވަނައަށް ހޮވުނު ފަރާތަށް އެ ޕެކޭޖުން 15 އިންސައްތަ ޑިސްކައުންޓް ވަނީ ދީފަ އެވެ.
ޓްރީޓޮޕް ހޮސްޕިޓަލުން ދަނީ އާންމުންގެ މެދުގައި ސިއްހީ ހޭލުންތެރިކަން އިތުރު ކުރުމަށް މިފަދަ އެކި ހަރަކާތްތައް ބާއްވަމުންނެވެ.
