ދިއްދޫ ކައިންސިލުން ބުނީ، ރޭ ކުރި ވިއްސާރައިގައި ދިއްދޫގެ ރޯހައުސް ސަރަހައްދުގެ 6 ގެއަކަށް ރޯޅިއެއް އަރާ ފުރާޅުތަކުގެ ޓިނުތަށް އެއްކޮށް އެއްލާލާފައިވާ ކަމަށެވެ.
އެރަށު ކައުންސިލްގެ ރައީސް އަބްދުﷲ ރަޝީދު މިއަދު ވިދާޅުވީ، ބޯކޮށް ވާރޭވެހި ގުގުރާ އެ ރޯޅި އައިސްފައި ވަނީ 4:00 ހާއިރު ކަމަށެވެ.
ރަޝީދު ވިދާޅުވީ، ކަމާގުޅޭ ފަރާތްތަކާއި އެކު އެ ގެތަކުގައި ވަގުތީގޮތުން ޓިނުޖަހައި، މި ވަގުތައް ހައްލެއް ގެނައުމުގެ މަސައްކަތް ކުރަމުން އަންނަ ކަމަށެވެ.
ރަޝީދު ވިދާޅުވީ، ފުރާޅު އެއްލަލުމުން ގޭގައި ހުރި ބައެއް ފަރުނީޗަރުތަކަށް ވެސް ގެއްލުން ލިބިފައިވާ ކަމަށެވެ. އަދި އެކަން ޑިޒާސްޓާ މެނޭޖުމަންޓް އޮތޯރިޓީ އައް އަންގައި، އެ ހުރިހާ ތަނަކަށް ލިބުނު ގެއްލުންތައް ބަލަމުން އަންނަ ކަމަށެވެ.
ރޯހައުސް ތަކުގެ އިތުރުން އެހެން ތަންތަނަށް ވެސް އެކިވަރުގެ ގެއްލުން ލިބިފައިވާ ކަމަށް ރަޝީދު ވިދާޅުވި އެވެ.
