ބެޑްމިންޓަން އެސޯސިއޭޝަންގެ އެތެރޭގެ މައްސަލަތައް ފެންމަތިވެ، އެކަން އެންމެ ފަހުން ޝަރީއަތާ ހިސާބަށް މިހާރު ގޮސްފައިވާއިރު، ބެޑްމިންޓަން އެސޯސިއޭޝަނުން މިދިޔަ މާޗު މަހުގެ 22 ވަނަ ދުވަހު ބާއްވަން އުޅުނު އިންތިހާބު ހުއްޓާލުމަށް ތަކުރާރުކޮށް ސްޕޯޓްސް ކޮމިޝަނަރު އެންގެވުމުންވެސް އެކަމަށް ބޯ ނުލަނބައި ކުރިއަން ގެންދަން އުޅެނިކޮށް އެންމެފަހުން އެ އިންތިހާބު ހުއްޓުވީ އޭސީސީން އޭގެ ތެރެއަށް ވަދެއެވެ.
އޭރުގެ އިންތިހާބު ފަނިވެފައިވަނިކޮށް، ސްޕޯޓްސް ކޮމިޝަނަރު ވަނީ ބެޑްމިންޓަން އެސޯސިއޭޝަނަށް 20 ދުވަހުގެ ތެރޭގައި ވަކި އުސޫލެއްގެ ތެރެއިން އިންތިހާބު ބޭއްވުމަށް މި މަހު ފުރުސަތު ދީފައެވެ. އެކަމަކު އެއީ އިންތިހާބުގައި ވޯޓުލުމުގެ ފުރުސަތު ބެޑްމިންޓަން ޑިވެލޮޕްމަންޓް ކޮމިޓީ (ބީޑީސީ) ތަކަށް ނުދޭ ގޮތަށެވެ. ބެޑްމިންޓަން އެސޯސިއޭޝަނުގެ އިންތިޚާބާ ގުޅޭގޮތުން ތޮލާލް ވިދާޅުވީ އިންތިޚާބު ނުބާއްވައިފިއްޔާ ފިޔަވަޅުއަޅާނެ ކަމަށެވެ.
ބެޑްމިންޓަން އެސޯސިއޭޝަނުގެ އިންތިޚާބު ބާއްވަން ދިން 20 ދުވަހުގެ މުއްދަތު ހަމަވާނީ މި މަހުގެ 18 ވަނަ ދުވަހެވެ.
