ހަޔާ އެޑިއުކޭޝަން މިނިސްޓްރީން ކުރި އިއުލާނެއްގައި ބުނީ މި ސްކޮލާޝިޕް ލިބޭ ދަރިވަރުން ކިޔަވަން ބޭނުން ދާއިރާއަކުން، ބޭނުން ގައުމެއްގައި ފުރަތަމަ ޑިގްރީ ފުރިހަމަކުރުމުގެ ހަރަދު ސަރުކާރުން ހަމަޖައްސައިދޭނެ ކަމަށެވެ.
މި ސްކޮލާޝިޕް ދިނުމުގައި ބަލާނެ ޝަރުތުތަކަކީ:
- ރާއްޖޭގެ ސްކޫލް ދަރިވަރެއްގެ ގޮތުގައި މިދިޔަ އަހަރު މަތީ ސާނަވީ އިމްތިހާން ނުވަތަ ޝަހާދާ ސާނަވީ އިމްތިހާން ހެދި ދިވެހި ދަރިވަރަކަށް ވުން.
- އިސްލާމް އާއި ދިވެހި ހިމެނޭ ގޮތަށް ފަސް މާއްދާއިން A* ފާސް ހޯދާފައިވުން ނުވަތަ ޝަހާދާ ސާނަވީ އިމްތިހާނުގައި ބައިވެރިވި ހުރިހާ މާއްދާއަކުން A* ހާސިލުކޮށްފައިވުން
- ޖީސީއީ އޯލެވެލް / އައިޖީސީއެސްސީ ނުވަތަ އެއާ އެއް ފެންވަރުގެ އިމްތިހާނަކުން އިނގިރޭސިން "ސީ" އިން ފެށިގެން މަތީ ގްރޭޑެއް ލިބިފައި އޮތުން
ރައީސްގެ ސްކޮލާޝިޕަށް ކުރިމަތިލާން ބޭނުންވާ ކުދިން އަންނަ ޖުލައި މަހުގެ 31 ވަނަ ދުވަހުގެ މެންދުރު 1:30 ކުރިން ފޯމް ހުށައެޅުމަށް ހަޔާ އެޑިއުކޭޝަން މިނިސްޓްރީން އެދެ އެވެ. އެކަމަށް އެދި ލިޔުންތައް ހުށަހަޅަން ޖެހޭނީ އެ މިނިސްޓްރީގެ https://myedu.egov.mv ޕޯޓަލް މެދުވެރިކޮށެވެ.
ރައީސްގެ މި ސްކޮލާޝިޕްގެ އިތުރުން އޭ ލެވެލްއިން ފަސް މާއްދާއިން A ހޯދާ ދަރިވަރުންނަށް ހައި އެޗީވާސްގެ ނަމުގައި ސަރުކާރުން ސްކޮލާޝިޕް ޕްރޮގްރާމެއް ހިންގަ އެވެ. މި ސްކޯލާޝިޕަށް އެދުމުގެ ފުރުސަތު ވެސް ހަޔާ އެޑިއުކޭޝަން މިނިސްޓްރީން މިހާރު ވަނީ ހުޅުވާލާފަ އެވެ.
